ദുബൈ: യാത്രക്കാര്‍ക്ക് എമിറേറ്റ്‌സും ഫ്‌ളൈ ദുബൈയും മാസ്‌ക് ഒഴിവാക്കി.മാസ്‌ക് ഒഴിവാക്കുന്ന വിഷയത്തില്‍ വിമാനക്കമ്പനികള്‍ക്ക് തീരുമാനമെടുക്കാമെന്ന യു.എ.ഇ ഗവണ്‍മെന്റിന്റെ പ്രഖ്യാപനത്തിന് പിന്നാലെയാണ് തീരുമാനം. എന്നാല്‍ ഇന്ത്യന്‍ വിമാന കമ്പനികള്‍ മാസ്‌ക് നിബന്ധന തുടരുന്നതായാണ് റിപ്പോര്‍ട്ട്്. ദുബൈ വഴി യാത്ര ചെയ്യുന്നവര്‍ക്ക് മാസ്‌ക് വേണ്ടെന്ന് എമിറേറ്റ്‌സും ഫളൈ ദുബൈയും അറിയിച്ചു. എന്നാല്‍ യാത്രക്കാര്‍ എത്തിച്ചേരുന്ന രാജ്യത്ത് മാസ്‌ക് നിര്‍ബന്ധമാണെങ്കില്‍ ധരിക്കേണ്ടിവരുമെന്നും അറിയിച്ചിട്ടുണ്ട്. താല്‍പര്യമുള്ള യാത്രക്കാര്‍ക്ക് എപ്പോഴും മാസ്‌ക് ധരിക്കാം. കൊവിഡ് നിയന്ത്രണങ്ങളില്‍ സര്‍ക്കാര്‍ പ്രഖ്യാപിച്ച ഇളവ് ബുധനാഴ്ച (സെപ്റ്റംബര്‍ 28) മുതലാണ് യു.എ.ഇയില്‍ പ്രാബല്യത്തില്‍ വന്നത്. പള്ളികളിലും ആശുപത്രികളിലും പൊതുഗതാഗത സംവിധാനങ്ങളിലും മാത്രമേ മാസ്‌ക് നിര്‍ബന്ധമുള്ളൂ. സ്‌കൂള്‍ കുട്ടികളും അധ്യാപകരും വിദ്യാര്‍ഥികളും മാസ്‌ക് ധരിക്കേണ്ടതില്ല.