മുക്കം: മുക്കം  മുസ്‌ലിം  ഓര്‍ഫനേജ് പൂര്‍വ വിദ്യാര്‍ഥികള്‍ നിര്‍മിക്കുന്ന ഓഡിറ്റോറിയത്തിന്റെ ശിലാസ്ഥാപനം കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിച്ചു. പൂര്‍വ വിദ്യാര്‍ഥി സംഗമവും അനുസ്മരണവും ഓര്‍ഫനേജ് സെക്രട്ടറി വി.ഇ മോയിമോന്‍ ഹാജി ഉദ്ഘാടനം ചെയ്തു. കെ.ടി അബ്ദുറഹ്മാന്‍ അധ്യക്ഷനായി. ജില്ലാ പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ മുക്കം മുഹമ്മദ്   അനുസ്മരണ പ്രഭാഷണം നടത്തി. വി. ഉമ്മര്‍കോയ ഹാജി, വി.മുഹമ്മദ് മോന്‍ ഹാജി, സലാം ഫൈസി മുക്കം, സി.മൂസ മാസ്റ്റര്‍, കെ.മമ്മദ് മാസ്റ്റര്‍, കെ.കെ മൂസക്കുട്ടി, ഡോ.കുഞ്ഞി മുഹമ്മദ്  സംസാരിച്ചു.സ്‌കൂള്‍ മദ്‌റസാ പരീക്ഷകളില്‍ ഉന്നത വിജയം നേടിയവര്‍ക്ക് ഡോ. എന്‍.എം ആബിദ് ഉപഹാരം നല്‍കി.