മലപ്പുറം: രാഹുല്‍ ഗാന്ധിയുടെ ജോഡോ യാത്രയുമായി ബന്ധപ്പെട്ട് മലപ്പുറം നിലമ്പൂരില്‍ ബാനര്‍ പോരാട്ടം. പോരാട്ടമാണ് ബദല്‍ പൊറോട്ടയല്ല' എന്ന ഡി.വൈ.എഫ്.ഐയുടെ ബാനറിന് തൊട്ടു പിന്നാലെ മറുപടിയുമായി യൂത്ത് ലീഗും ബാനര്‍ വച്ചു. 'തീ ഇട്ടത് സംഘികളുടെ ട്രൗസസറില്‍ ആണെങ്കിലും പുക വരുന്നത് കമ്മികളുടെ മൂട്ടിലൂടെ' എന്നായിരുന്നു ഫ്‌ലക്‌സിലെ വരികള്‍.

ഇന്നലെ പെരിന്തല്‍മണ്ണ ഏലംകുളം ലോക്കല്‍ കമ്മിറ്റി ഓഫിസ് കെട്ടിടത്തില്‍ ഡിവൈഎഫ്‌ഐ കറുത്ത ബാനര്‍ തൂക്കിയിരിന്നു. പൊറോട്ടയല്ല കുഴിമന്തിയാണ് പെരിന്തല്‍മണ്ണയില്‍ ബെസ്റ്റ് എന്നായിരുന്നു എഴുതിയത്. ഇതിന് കോണ്‍ഗ്രസ് നേതാവ് വി.ടി ബല്‍റാം ഫേസ്ബുക്കിലൂടെ മറുപടി നല്‍കിയിരുന്നു. കറുത്ത ബാനറുമായി കമ്മികള്‍, തുടുത്ത മനസ്സുമായി ജനങ്ങള്‍ എന്നാണ് ബാനറിന്റെ ഫോട്ടോ പങ്കുവച്ച് ബല്‍റാമിന്റെ പോസ്റ്റ്.