തോല്‍വി സമ്മതിച്ച് സി.പി.എം; എല്‍.ഡി.എഫ് ജയിച്ചാല്‍ ലോകാത്ഭുതമെന്ന് എ.കെ ബാലന്‍

തിരുവനന്തപുരം: പുതുപ്പള്ളി ഉപതെരഞ്ഞെടുപ്പില്‍ പരാജയം സമ്മതിച്ച് സി.പി.എം. എല്‍.ഡി.എഫ് പുതുപ്പള്ളിയില്‍ വിജയിച്ചാല്‍ അത് ലോകാത്ഭുതമെന്ന് എ കെ ബാലന്‍ പ്രതികരിച്ചു. ഇപ്പോള്‍ അത്ഭുതമൊന്നും സംഭവിക്കില്ലോ. കേരളത്തിലെ ഏറ്റവും വലിയ ഭൂരിപക്ഷം എന്നല്ലേ യു.ഡി.എഫ് പറഞ്ഞത്. അത് വരുമോയെന്ന് നോക്കാമെന്നും എ കെ ബാലന്‍ പറഞ്ഞു.

ബിജെപി വോട്ട് ചോര്‍ച്ച ആരോപിച്ച് കഴിഞ്ഞ ദിവസം സിപിഎം നേതാക്കള്‍ രംഗത്തെത്തിയിരുന്നു. ബിജെപി വോട്ടുകള്‍ കോണ്‍ഗ്രസിന് മറിച്ചെന്ന ആരോപണമാണ് സിപിഎം സംസ്ഥാന സെക്രട്ടറി എം വി ഗോവിന്ദനും സ്ഥാനാര്‍ഥി ജെയ്ക്ക് സി തോമസും ആരോപിച്ചത്.

അതേസമയം, ആദ്യ ഫലസൂചനകള്‍ പുറത്തുവരുമ്പോള്‍ യു.ഡി.എഫ് സ്ഥാനാര്‍ത്ഥി ചാണ്ടി ഉമ്മന്‍ വന്‍ ലീഡുമായി മുന്നേറുകയാണ്. രണ്ടാം റൗണ്ടില്‍ തന്നെ സമ്പൂര്‍ണ്ണാധിപത്യത്തിലേക്ക് ചാണ്ടിയെത്തുന്ന കാഴ്ചയാണ് ആദ്യ മണിക്കൂറില്‍ തന്നെയുണ്ടായത്.