നിങ്ങള്‍ രാജ്യം മുഴുവന്‍ യാത്ര ചെയ്യാന്‍ ഇഷ്ടപെടുന്നവരാണോ എങ്കില്‍ ഓരോ തവണയും പണം മുടക്കാതെ രാജ്യത്താകമാനമുള്ള ഗതാഗത മാര്‍ഗങ്ങളില്‍ യാത്ര ചെയ്യാൻ ഉപയോഗിക്കാവുന്ന ഒരൊറ്റ കാര്‍ഡ് എത്തുകയാണ് .റോഡ്,റെയില്‍,ജലം എന്നിവയിലേത് മാര്‍ഗം വഴി യാത്ര ചെയ്താലും ഈ കാര്‍ഡ് ഉപയോഗിക്കാം .റുപേ(RuPay) നാഷണല്‍ മൊബിലിറ്റി കാര്‍ഡ് (NCMC)എന്നിവയുടെ സംയുക്ത പിന്തുണയോടെയാണ് രാജ്യത്തെ ആദ്യ ട്രാന്‍സിറ്റ് കാര്‍ഡ് എസ്.ബി.ഐ പുറത്തിറക്കിയത്.

ഒരു രാജ്യം,ഒരു കാര്‍ഡ് എന്ന ലക്ഷ്യത്തോടെയാണ് പുതിയ കാര്‍ഡ് അവതരിപ്പിക്കുന്നതെന്ന് എസ്.ബി.ഐ ചെയര്‍മാന്‍ ദിനേഷ് കുമാര്‍ ഖാര പറഞ്ഞു. ഈ കാര്‍ഡ് ഉപയോഗിച്ച് റീറ്റെയ്ല്‍,ഇ-കോമേഴ്‌സ് പേമെന്റുകളും നടത്താനാകും.മുബൈയില്‍ നടന്ന ഗ്ലോബല്‍ ഫിന്‍ടെക് വേദിയിലാണ് കാര്‍ഡ് പുറത്തിറക്കിയത്.

Content Highlights:indias first transit card launched by sbi bank