ടോക്കിയോ: ഒളിമ്പിക് വില്ലേജില്‍ രണ്ട് അത്‌ലറ്റുകള്‍ക്ക് കൂടി കൊവിഡ്. നേരത്തെ ഒരു ഒഫീഷ്യലിനും കൊവിഡ് സ്ഥിരീകരിച്ചിരുന്നു.

ഒളിമ്പിക്‌സ് ആരംഭിക്കാന്‍ അഞ്ചു ദിവസം മാത്രം ബാക്കിനില്‍ക്കേയാണ് വില്ലേജില്‍ കൊവിഡ് സ്ഥിരീകരിച്ചിരിക്കുന്നത്. കൊവിഡ് കേസുകള്‍ വര്‍ധിച്ചത് വില്ലേജില്‍ ആശങ്ക ഉയര്‍ത്തിയിരിക്കുകയാണ്.

സംഘാടക പ്രവര്‍ത്തനത്തില്‍ ഏര്‍പെട്ട വിദേശിക്കാണ് ആദ്യം കൊവിഡ് സ്ഥിരീകരിച്ചത്. സ്ഥിരീകരിച്ച ഉടന്‍ തന്നെ ഇദ്ദേഹത്തെ ക്വാറന്റൈനിലേക്ക് മാറ്റിയിരുന്നു. 11,000 അത്‌ലറ്റുകളാണ് വില്ലേജില്‍ താമസിക്കുന്നത്.

2020ല്‍ നടക്കേണ്ടിയിരുന്ന ഒളിമ്പിക്‌സ് കൊവിഡ് മഹാമാരിയെ തുടര്‍ന്ന് ഈ വര്‍ഷത്തേക്ക് മാറ്റിയതായിരുന്നു.