പയ്യോളി: ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ സാമൂഹ്യവിരുദ്ധരുടെ അഴിഞ്ഞാട്ടം. സ്‌കൂളിലെ  കുടിവെള്ള വിതരണത്തിനുള്ള പൈപ്പ് ലൈനുകള്‍ പൂര്‍ണമായും തകര്‍ത്തിട്ടുണ്ട്. ബുധനാഴ്ച വൈകിട്ടാണ്  സംഭവം. വെള്ളം ശുദ്ധീകരിക്കുന്നതിനുള്ള സിസ്റ്റവും തകര്‍ത്തതിനാല്‍ 75,000 രൂപയുടെ  നഷ്ടമുള്ളതായി കണക്കാക്കുന്നു. ഹൈസ്‌കൂളില്‍ സാമൂഹ്യവിരുദ്ധരുടെ ശല്യം ഈയിടെയായി വര്‍ധിച്ചിട്ടുണ്ട്. ഇത് അവസാനിപ്പിക്കാന്‍ വിവിധ രാഷ്ട്രീയ പാര്‍ട്ടികളുടെയും ജനപ്രതിനിധികളുടെയും രക്ഷിതാക്കളുടെയും വിപുലമായ യോഗം ചേരാന്‍  ഹൈസ്‌കൂള്‍ പി.ടി.എ കമ്മിറ്റി തീരുമാനിച്ചു.