കൊച്ചി: അഭിമുഖത്തിനിടെ അവതാകരകയെ അപമാനിച്ച സംഭവത്തില്‍ നടന്‍ ശ്രീനാഥ് ഭാസിക്കെതിരായ കേസ് ഹൈക്കോടതി സ്റ്റേ ചെയ്തു. എഫ്.ഐ.ആര്‍ റദ്ദാക്കണമെന്നാവശ്യപ്പെട്ട് ശ്രീനാഥ് ഭാസി നല്‍കിയ ഹര്‍ജിയിലാണ് ഹൈക്കോടതിയുടെ നടപടി.പരാതിക്കാരിയോട് മാപ്പുപറഞ്ഞ് കേസ് ഒത്തുതീര്‍പ്പായതിനു ശേഷമാണ് ശ്രീനാഥ് ഭാസി ഹൈക്കോടതിയെ സമീപിച്ചത്.

ഈ മാസം 21നാണ് ചട്ടമ്പി സിനിമയുടെ പ്രമോഷനുവേണ്ടി നടത്തിയ അഭിമുഖത്തിനിടയില്‍ ശ്രീനാഥ് ഭാസി അവതാരകയെ അപമാനിച്ചത്. ഇതേതുടര്‍ന്ന് അവതാരക പൊലീസിനും വനിതാ കമ്മീഷനും സിനിമ സംഘടനകള്‍ക്കും പരാതി നല്‍കിയിരുന്നു. അവതാരകയുടെ പരാതിയില്‍ പൊലിസ് ശ്രീനാഥ് ഭാസിയെ അറസ്റ്റ് ചെയ്തിരുന്നു. അവതാരക സിനിമ സംഘടനകള്‍ക്ക് പരാതി നല്‍കിയതിന്റെ അടിസ്ഥാനത്തില്‍ നിര്‍മ്മാതാക്കളുടെ സംഘടന ശ്രീനാഥ് ഭാസിയില്‍ നിന്ന് വിശദീകരണം തേടിയിരുന്നു.