കണ്ണൂര്‍: കോടിയേരിയുടെ നിര്യാണത്തെ തുടര്‍ന്ന് തിങ്കളാഴ്ച തലശ്ശേരി,ധര്‍മ്മടം,കണ്ണൂര്‍ മണ്ഡലങ്ങളില്‍ ഹര്‍ത്താല്‍ ആചരിക്കും.
കോടിയേരിയുടെ ഭൗതിക ശരീരം ഞായറാഴ്ച ഉച്ചയ്ക്ക് പ്രത്യേക എയര്‍ ആംബുലന്‍സില്‍ കണ്ണൂര്‍ വിമാനത്താവളത്തില്‍ എത്തിക്കും. മൃതദേഹം ഞായറാഴ്ച ഉച്ച മുതല്‍ തലശേരി ടൗണ്‍ ഹാളില്‍ പൊതു ദര്‍ശനത്തിന് വെക്കും. തിങ്കളാഴ്ച രാവിലെ 10 വരെ കോടിയേരിയിലെ വീട്ടില്‍ പൊതു ദര്‍ശനമുണ്ടാവും. തുടര്‍ന്നു സി.പി.എം ജില്ലാ കമ്മിറ്റി ഓഫിസായ കണ്ണൂര്‍ അഴീക്കോടന്‍ മന്ദിരത്തില്‍ പൊതു ദര്‍ശനത്തിന് വെക്കും. വൈകുന്നേരം മൂന്നിന് പയ്യാമ്പലത്ത് സംസ്‌കാരം നടക്കും.