ന്യൂഡല്‍ഹി: പെഗാസസ് ഫോണ്‍ചോര്‍ത്തല്‍ വിഷയം ചര്‍ച്ചചെയ്യണമെന്നാവശ്യപ്പെട്ട് പ്രതിപക്ഷ പ്രതിഷേധം ശക്തമായതോടെ ലോക്‌സഭ മൂന്നുവട്ടം നിര്‍ത്തിവച്ചു.

ഉച്ചയ്ക്ക് രണ്ടു മണിക്കും മൂന്നു മണിക്കും താല്‍ക്കാലികമായി നിര്‍ത്തിവച്ച സഭ, നാലു മണിയോടെ ഇന്നത്തേക്ക് നിര്‍ത്തിവയ്ക്കുകയായിരുന്നു.

പെഗാസസ് വിഷയത്തില്‍ ഇത് രണ്ടാംദിവസമാണ് സഭ കലുഷിതമാവുന്നത്. പുതുതായി ചുമതലയേറ്റ മന്ത്രിമാരെ സഭയ്ക്ക് പരിചയപ്പെടുത്താന്‍ ഇന്നലെ പ്രധാനമന്ത്രി നരേന്ദ്ര മോദി ശ്രമിച്ചപ്പോഴും പ്രതിപക്ഷം തടസപ്പെടുത്തിയിരുന്നു.