ഗൂഡല്ലൂര്‍: കോത്തഗിരി നടുഹട്ടിയില്‍ വീടുകള്‍ കുത്തിത്തുറന്ന് മോഷണം. പ്രദേശത്തെ ശേഖര്‍, സിംങ് എന്നിവരുടെ വീടുകള്‍ കുത്തിത്തുറന്നാണ് മോഷണം നടത്തിയത്.
 അലമാരയില്‍ സൂക്ഷിച്ചിരുന്ന 4000 രൂപയും സ്വര്‍ണവും കവര്‍ന്ന സംഘം പ്രദേശത്തെ ഈശ്വരന്റെ ബൈക്കും മോഷ്ടിച്ചിട്ടുണ്ട്. ഇതുമായി വീട്ടുകാര്‍ നല്‍കിയ പരാതിയിന്‍മേല്‍ പൊലിസ് അന്വേഷണം ആരംഭിച്ചിട്ടുണ്ട്.
കോത്തഗിരി മേഖലയില്‍ മോഷണവും പിടിച്ചുപറിയും വര്‍ധിച്ചുവരുന്നതായി പരാതി ഉയര്‍ന്നിട്ടുണ്ട്.
ഈ മേഖലയില്‍ രണ്ട് പൊലിസ് സ്റ്റേഷനുകള്‍ സ്ഥാപിക്കുകയും രാത്രികാലങ്ങളില്‍ പൊലിസ് പെട്രോളിങ് നടത്തുകയും വേണമെന്നാണ് നാട്ടുകാര്‍ ആവശ്യപ്പെടുന്നത്.