തിരുവനന്തപുരം: സംസ്ഥാനത്ത് നാല് ജില്ലകളില്‍ യെല്ലോ അലര്‍ട്ട്. ആലപ്പുഴ, എറണാകുളം, ഇടുക്കി, പാലക്കാട് ജില്ലകളില്‍ ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷകേന്ദ്രം അറിയിച്ചിരിക്കുന്നത്.

ബംഗാള്‍ ഉള്‍ക്കടലില്‍ ന്യൂനമര്‍ദം രൂപപ്പെട്ടതാണ് ഇതിന് കാരണം. മധ്യ പടിഞ്ഞാറന്‍ ബംഗാള്‍ ഉള്‍കടലിലാണ് ന്യൂനമര്‍ദം രൂപപ്പെട്ടത്. ഇതിന്റെ ഭാഗമായി കേരളത്തില്‍ എല്ലാ ജില്ലകളിലും വരും ദിവസങ്ങളില്‍ മഴയ്ക്ക് സാധ്യത ഉണ്ട്. അടുത്ത രണ്ട് ദിവസത്തിനുള്ളില്‍ ആന്ധ്രാ പ്രദേശ് തീരത്തേക്ക് ന്യൂനമര്‍ദം നീങ്ങാനാണ് സാധ്യതയെന്നാണ് വിലയിരുത്തല്‍.