ന്യൂഡല്‍ഹി: നിരോധിത സംഘടനയായ പോപുലര്‍ ഫ്രണ്ടുമായി എസ്.ഡി.പി.ഐക്ക് ബന്ധമുണ്ടെന്ന് കണ്ടെത്താനായിട്ടില്ലെന്ന് തെരഞ്ഞെടുപ്പ് കമ്മിഷന്‍. ഇരുസംഘടനകളെയും തമ്മില്‍ ബന്ധിപ്പിക്കുന്ന തെളിവുകളൊന്നും ഇതുവരെ കമ്മിഷന്‍ മുമ്പാകെ എത്തിയിട്ടില്ലെന്ന് മുഖ്യ തെരഞ്ഞെടുപ്പ് കമ്മിഷണര്‍ രാജീവ് കുമാര്‍ പറഞ്ഞു. ഒരു രാഷ്ട്രീയപ്പാര്‍ട്ടി സമര്‍പ്പിക്കേണ്ട എല്ലാ രേഖകളും എസ്.ഡി.പി.ഐ നല്‍കിയിട്ടുണ്ട്. അവരുടെ ഭാഗത്തുനിന്ന് എന്തെങ്കിലും പിഴവ് കണ്ടെത്താനായിട്ടില്ലെന്നും കമ്മിഷന്‍ വ്യക്തമാക്കി. പോപുലര്‍ ഫ്രണ്ടിനെ നിരോധിച്ച സാഹചര്യത്തില്‍ എസ്.ഡി.പി.ഐയുടെ രജിസ്‌ട്രേഷന്‍ തെരഞ്ഞെടുപ്പ് കമ്മിഷന്‍ റദ്ദാക്കിയേക്കുമെന്ന അഭ്യൂഹമുണ്ടായിരുന്നു.