കണ്ണൂര്‍: ഓഗസ്റ്റ് 30 വരെ നടക്കുന്ന സുപ്രഭാതം വാര്‍ഷിക വരിക്കാരെ ചേര്‍ക്കല്‍ ക്യാംപയിന്റെ ഭാഗമായി ജില്ലയിലെ 41 റെയിഞ്ച് നിര്‍വാഹസമിതി യോഗങ്ങള്‍ നാളെ നടക്കും. അതാതു മേഖലകളിലെ സദര്‍ മുഅല്ലിംകളും റെയിഞ്ച് എക്‌സിക്യൂട്ടീവ് അംഗങ്ങളുമാണു പങ്കെടുക്കേണ്ടത്.
മേഖലാ കോ ഓര്‍ഡിനേറ്റര്‍ക്കു പുറമെ സുപ്രഭാതം പ്രതിനിധികളും പങ്കെടുക്കും. റെയിഞ്ച് ഭാരവാഹികളും സദര്‍ മുഅല്ലിംകളും റെയിഞ്ച് എക്‌സിക്യൂട്ടീവുമാരും വരിക്കാരുടെ ലിസ്റ്റും വരിസംഖ്യയുമായി യോഗത്തില്‍ പങ്കെടുക്കണമെന്നു ജംഇയ്യത്തുല്‍ മുഅല്ലിമീന്‍ ജില്ലാ നേതാക്കളായ മാണിയൂര്‍ അബ്ദുറഹ്മാന്‍ ഫൈസി, അബ്ദുസമദ് മുട്ടം, ഷുക്കൂര്‍ ഫൈസി എന്നിവര്‍ അറിയിച്ചു.
രാവിലെ 10ന് പയ്യന്നൂര്‍, പെരുമ്പ, പുളിങ്ങോം, പിലാത്തറ, മാതമംഗലം റെയിഞ്ചുകള്‍ -ചുമടുതാങ്ങി മുഅല്ലിം സെന്റര്‍. തളിപ്പറമ്പ്, തളിപ്പറമ്പ് ഈസ്റ്റ്, പരിയാരം, ചപ്പാരപ്പടവ് റെയിഞ്ചുകള്‍ -തളിപ്പറമ്പ് ഖുവ്വത്തുല്‍ ഇസ്‌ലാം അറബി മദ്‌റസ. ശ്രീകണ്ഠപുരം, ഇരിക്കൂര്‍ റെയിഞ്ചുകള്‍ -ഇരിക്കൂര്‍ റഹ്മാനിയ മദ്‌റസ, ഉച്ചയ്ക്കു 2.30ന് മാടായി, മാട്ടൂല്‍, പുതിയങ്ങാടി, ചെറുകുന്ന് റെയിഞ്ചുകള്‍ -പഴയങ്ങാടി മുഅല്ലിം സെന്റര്‍.