ശ്രീകണ്ഠപുരം: മലപ്പട്ടം പഞ്ചായത്തിലെ അഡുവാപ്പുറത്ത് പോത്തിന്റെ പരാക്രമം പ്രദേശത്ത് ഏറെനേരം പരിഭ്രാന്തി പരത്തി. പെരുവളത്ത് പറമ്പില്‍ അറക്കാന്‍ കൊണ്ടുവന്ന പോത്ത് കയറുപൊട്ടിച്ചു ഓടുകയായിരുന്നു. ഇന്നലെ ഉച്ചയോടെ അഡുവാപ്പുറത്തേക്ക് ഓടി വന്ന പോത്തിനെ കണ്ട് നിരവധി പേര്‍ ഓടിമാറി.
പോത്ത് വാഹനങ്ങള്‍ കുത്തി മറച്ചിട്ടു. കാലുകള്‍ കൂട്ടിക്കെട്ടിയ നിലയിലായിരുന്ന പോത്തുകളെ നാടുകാര്‍ പണിപ്പെട്ട് പിടികൂടി തെങ്ങില്‍ കെട്ടിയെങ്കിലും കയര്‍പൊട്ടിച്ച് വീണ്ടും ഓടി അഡുവാപുറം വയലിലെ കൃഷി നശിപ്പിക്കുകയും, ബൈക്ക് യാത്രികനെ അക്രമിക്കുകയും ചെയ്തു.സംഭവമറിഞ്ഞ് സ്ഥലത്തെത്തിയ മയ്യില്‍ പൊലിസും മട്ടന്നൂരില്‍ നിന്നെത്തിയ ഫയര്‍ഫോഴ്‌സ് സംഘവും വടമെറിഞ്ഞ് പോത്തുകളെ പിടികൂടുകയായിരുന്നു.