കോഴിക്കോട്• സുന്നി യുവജനസംഘം സംസ്ഥാന കമ്മിറ്റിയുടെ സാഹിത്യ പ്രചാരണ കാംപയ്നിന് തുടക്കം. 'വിചാര വീഥിയിലെ ധാര്‍മ്മിക വായന' എന്ന പ്രമേയവുമായി ഒക്‌ടോബര്‍, നവംബര്‍ മാസങ്ങളിലാണ് കാംപയിൻ നടത്തുന്നത്. സംഘടനയുടെ മുഖപത്രമായ സുന്നി അഫ്കാര്‍ പ്രചാരണം ലക്ഷ്യംവെച്ച് നടത്തുന്ന കാംപയ്നിൽ എഴുത്തുകാര്‍ക്കായി ശില്‍പശാല, മീഡിയാ സെമിനാര്‍, ജില്ലാ, മണ്ഡലം, പഞ്ചായത്ത് തല കണ്‍വന്‍ഷനുകള്‍, സംസ്ഥാനതല പര്യടനം, സോഷ്യല്‍ മീഡിയാ കാംപയിന്‍ തുടങ്ങി വിവിധ പദ്ധതികള്‍ക്ക് രൂപം നല്‍കി.

മലപ്പുറം വെസ്റ്റ് ജില്ലാ കണ്‍വന്‍ഷന്‍ ഒക്‌ടോബര്‍ 11ന് പൂക്കിപ്പറമ്പിലും, പാലക്കാട് 15ന് ചെര്‍പ്പുളശ്ശേരിയിലും, കോഴിക്കോട് 14ന് സുപ്രഭാതം ഓഡിറ്റോറിയത്തിലും, എറണാകുളം 16ന് കളമശ്ശേരിയിലും, നീലഗിരി 12ന് ഗൂഡല്ലൂരിലും നടക്കും. ശില്‍പശാലയും മാധ്യമ സെമിനാറും നവംബര്‍ 26ന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും. പ്രമുഖ ദര്‍സ്-അറബിക് കോളജുകളില്‍ നിന്നുള്ള യുവ എഴുത്തുകാര്‍ക്കായി സംഘടിപ്പിക്കപ്പെടുന്ന ശില്‍പശാലയിലും തുടര്‍ന്ന് നടക്കുന്ന മാധ്യമ സെമിനാറിലും പ്രമുഖര്‍ സംബന്ധിക്കും. ശശി തരൂര്‍ എം.പി മുഖ്യാതിഥിയായിരിക്കും.ടി.കെ മുഹമ്മദ് കുട്ടി ഫൈസി പട്ടാമ്പി ചെയര്‍മാനും, സലീം എടക്കര കണ്‍വീനറും കെ. മോയിന്‍ കുട്ടി മാസ്റ്റര്‍, ഹംസ റഹ്മാനി കൊണ്ടിപറമ്പ്, അബ്ദുറസാഖ് ബുസ്താനി, അബൂബക്കര്‍ ഫൈസി മലയമ്മ, ഇബ്രാഹീം ഫൈസി പേരാൽ എന്നിവര്‍ അംഗങ്ങളുമായി സാഹിത്യ പ്രചാരണ കാംപയിന്‍ സമിതിക്ക് രൂപം നല്‍കി.യോഗത്തില്‍ സയ്യിദ് മുദമ്മദ് കോയ തങ്ങള്‍ ജമലുല്ലൈലി അധ്യക്ഷതവഹിച്ചു. ഉമര്‍ ഫൈസി മുക്കം, വാക്കോട് മൊയ്തീന്‍ കുട്ടി ഫൈസി, കെ. മോയിന്‍ കുട്ടി മാസ്റ്റര്‍, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, ഇസ്മാഈല്‍ കുഞ്ഞു ഹാജി മാന്നാര്‍, മുസ്തഫ മാസ്റ്റര്‍ മുണ്ടുപാറ, ഹെസ റഹ്മാനി കൊണ്ടിപറമ്പ്, കുഞ്ഞിമോന്‍ ഹാജി വാണിയമ്പലം, ടി.കെ മുഹമ്മദ് കുട്ടി ഫൈസി പട്ടാമ്പി, ഇസ്മഈല്‍ എടച്ചേരി, ടി.പി സലീം എടക്കര, അബ്ദു റസാഖ് ബുസ്താനി, അബൂബക്കര്‍ ഫൈസി മലയമ്മ, ഇബ്‌റാഹീം ഫൈസി പേരാല്‍ സംസാരിച്ചു.