സാജൻ പ്രകാശിന് രണ്ടാം സ്വര്‍ണം
അഹമ്മദാബാദിൽ നിന്ന് ഹാറൂൻ റഷീദ്

ദേശീയ ഗെയിംസിൽ കേരളത്തിൻ്റെ സ്വർണ മീനായി സാജൻ പ്രകാശ്. നീന്തൽ കുളത്തിൽ നിന്ന് താരം രണ്ടാം സ്വർണവും മുങ്ങിയെടുത്തു. 100 മീറ്റർ ബട്ടർഫ്ളൈക്ക് പുറമേ, ഇന്നലെ നടന്ന 200 മീറ്റര്‍ ബട്ടര്‍ഫ്‌ളൈയിലും സ്വർണം സ്വന്തമാക്കി. തൻ്റെ തന്നെ പേരിലുള്ള ദേശീയ റെക്കോഡ് തകര്‍ത്തായിരുന്നു മലയാളി താരത്തിൻ്റെ സ്വർണനേട്ടം. 2015ല്‍ തിരുവനന്തപുരത്ത് സ്ഥാപിച്ച 2.03.43 മിനുട്ടിന്റെ റെക്കോര്‍ഡാണ് ഇതോടെ പഴങ്കഥയായയത്. താരം 1.59.56 സെക്കന്‍ഡ് കൊണ്ട് നീന്തല്‍ പൂര്‍ത്തിയാക്കി. ഈ ഇനത്തില്‍ അസമിന്റെ ബിക്രം ചങ്മയ് വെള്ളിയും വെസ്റ്റ് ബംഗാള്‍ താരം സാനി ദെബേന്ത് വെങ്കല മെഡലും സ്വന്തമാക്കി. സാജന് കഴിഞ്ഞ ദിവസം മത്സരമുണ്ടായിരുന്നെങ്കിലും പരുക്ക് കാരണം മത്സരിച്ചിരുന്നില്ല.