പാലക്കാട്: വടക്കഞ്ചേരിയില്‍ അഞ്ച് വിദ്യാര്‍ഥികളടക്കം ഒന്‍പത് പേര്‍ മരിച്ച സംഭവത്തില്‍ ടൂറിസ്റ്റ് ബസ് ഡ്രൈവര്‍ ജോമോന്‍ പിടിയില്‍. തിരുവനന്തപുരത്തേക്ക് കടക്കാന്‍ ശ്രമിക്കവെ കൊല്ലം ചവറ ശങ്കരമംഗലത്ത് നിന്നാണ് ഇയാളെ പൊലിസ് പിടികൂടിയത്. ഇയാള്‍ക്കെതിരെ പൊലിസ് മനപൂര്‍വമല്ലാത്ത നരഹത്യയ്ക്ക് കേസ് രജിസ്റ്റര്‍ ചെയ്തിരുന്നു.

അശ്രദ്ധമായും അമിതവേഗതയിലും വാഹനമോടിച്ചെന്ന വകുപ്പും ഇയാള്‍ക്കെതിരെ ചുമത്തിയിരുന്നു.

അപകടത്തിനു പിന്നാലെ ആശുപത്രിയില്‍ പ്രവേശിപ്പിച്ച ജോമോന്‍ അവിടെനിന്നും കടന്നുകളയുകയായിരുന്നു.