മലപ്പുറം: പുല്ലൂര്‍ ഗവ.യു.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. പുല്ലൂര്‍ യൂനിറ്റ് എസ്.വൈ.എസ് സ്‌പോണ്‍സര്‍ ചെയ്ത പത്രം നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ വല്ലാഞ്ചിറ മുഹമ്മദലി സ്‌കൂള്‍ ലീഡര്‍ റാഷിദിന് കോപ്പി കൈമാറി ഉദ്ഘാടനം ചെയ്തു. എസ്.എം.സി ചെയര്‍മാന്‍ ബാപ്പു അധ്യക്ഷനായി. ഹെഡ്മാസ്റ്റര്‍ പത്മനാഭന്‍ മാസ്റ്റര്‍, എം.ഹുസൈന്‍ ഹാജി, മന്‍സൂര്‍ ഹുദവി, അലവി മാസ്റ്റര്‍ സംബന്ധിച്ചു. എസ്.വൈ.എസ് മുനിസിപ്പല്‍ സെക്രട്ടറി യു.എ സമദ് മുസ്‌ലിയാര്‍ പദ്ധതി വിശദീകരിച്ചു.
പുളിക്കല്‍: കൊട്ടപ്പുറം ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ കെ.എം.സ്റ്റോര്‍, പി.ടിസ്റ്റോര്‍ സ്‌പോണ്‍സര്‍ ചെയ്ത സ്‌നേഹപൂര്‍വം സുപ്രഭാതം കൊണ്ടോട്ടി ഏരിയ എസ്.കെ.എസ്.എസ്.എഫ് സെക്രട്ടറി പി.ടി.ഹിബത്തുള്ള കെ.പി.അഫ്‌നാന്‍ എന്ന വിദ്യാര്‍ഥിനിക്കു നല്‍കി പ്രകാശനം ചെയ്തു.കൊണ്ടോട്ടി ഏരിയ വിഖായ ചെയര്‍മാന്‍ കെ.ടി.റിയാസ്, പി.ടി.എ പ്രസിഡണ്ട് പി.വി.നിസാര്‍, സി.സുരേഷ്‌കുമാര്‍ പുളിക്കല്‍ മേഖല എസ്.കെ.എസ്.എസ് എഫ് ട്രഷറര്‍ ജംഷീര്‍ ആല്‍പ്പറമ്പ് എന്നിവര്‍ പങ്കെടുത്തു.