അബുദാബി: നബിദിനം പ്രമാണിച്ച് അബുദാബിയില്‍ പാര്‍ക്കിങ്, ടോള്‍ ഫീസുകള്‍ സൗജന്യമാക്കി. അബുദാബി ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്റര്‍ (ഐ.ടി.സി) ആണ് സൗജന്യ പൊതു പാര്‍ക്കിങ് പ്രഖ്യാപിച്ചത്. ഒക്ടോബര്‍ എട്ട് ശനിയാഴ്ച മുതല്‍ ഒക്ടോബര്‍ 10 തിങ്കളാഴ്ച രാവിലെ 7.59 വരെയാണ് പാര്‍ക്കിങ് ഫീയും ടോളുകളും ഒഴിവാക്കിയത്.

ഐ.ടി.സി വെബ്‌സൈറ്റില്‍ ലഭ്യമായ ഡിജിറ്റല്‍ പ്ലാറ്റ്‌ഫോമുകളിലൂടെ എല്ലാ സേവനങ്ങളും ഉപഭോക്താക്കള്‍ക്ക് ലഭ്യമാണ്. ഔദ്യോഗിക അവധിദിനങ്ങളില്‍ മുസഫ എം-18 ട്രക്ക് പാര്‍ക്കിങ് ലോട്ടിലെ പാര്‍ക്കിങും സൗജന്യമായിരിക്കും. അവധിക്കാലത്ത് ദര്‍ബ് ടോള്‍ ഗേറ്റിലും സൗജന്യ പ്രവേശനമാണ്. ശനിയാഴ്ച യു.എ.ഇയിലെ എല്ലാ പൊതു-സ്വകാര്യ മേഖലയിലെ ജീവനക്കാര്‍ക്കും ശമ്പളത്തോടെ അവധി പ്രഖ്യാപിച്ചിരുന്നു.