മലപ്പുറം: ജില്ലയില്‍ സമ്പൂര്‍ണ ഹെല്‍മറ്റ് സംസ്‌കാരം വളര്‍ത്തിയെടുക്കുന്നതിന്റെ ഭാഗമായി മോട്ടോര്‍ ആക്‌സിഡന്റ് പ്രിവന്‍ഷന്‍ സൊസൈറ്റി(മാപ്‌സ്) വാഹനവകുപ്പുമായി സഹകരിച്ചു താലൂക്ക് തലത്തില്‍ ബൈക്ക് റാലികള്‍ സംഘടിപ്പിക്കും. സെപ്തംബര്‍ ഏഴിനു ജില്ലാതല ഉദ്ഘാടനം താനൂരില്‍ നടക്കും. ചെറിയമുണ്ടം പഞ്ചായത്ത് ഓഫിസ് പരിസരത്തു നിന്നാരംഭിച്ചു താനൂര്‍ നഗരസഭ പരിസരത്തു റാലി സമാപിക്കും.
മലപ്പുറം മാളിയേക്കല്‍ ഓഡിറ്റോറിയത്തില്‍ നടന്ന യോഗത്തില്‍ മോട്ടോര്‍ ആക്‌സിഡന്റ് പ്രിവന്‍ഷന്‍ സൊസൈറ്റി ജില്ലാ പ്രസിഡന്റ് ആര്‍.കെ മലയത്ത് അധ്യക്ഷനായി. ഡോ. എം.വി സൈതലവി, മുജീബ് താനാളൂര്‍, കെ.എം ഗിരിജ, ബീന സണ്ണി, നാദിര്‍ഷ കടായിക്കല്‍, എം.റജീന, കെ.സീനത്ത്, ചിറക്കല്‍ ഉമ്മര്‍, അരുണ്‍ ചെമ്പ്ര, കെ.എ മൊയ്തീന്‍കുട്ടി സംസാരിച്ചു.