അരീക്കോട്: അനധികൃതമായി മണല്‍ കടത്തുന്നതിനിടെ രണ്ട് ടിപ്പര്‍ ലോറികള്‍ പൊലിസ് പിടിച്ചെടുത്തു. വെസ്റ്റ് പത്തനാപുരം കടവില്‍ നിന്ന് മണല്‍ കയറ്റുന്നതിനിടെയാണു വാഹനങ്ങള്‍ പിടികൂടിയത്. ഒരു മാസത്തിനിടെ ഇരുപതോളം മണല്‍ക്കടത്ത് വാഹനങ്ങളാണു അരീക്കോട് പൊലിസ് പിടികൂടിയത്. മണല്‍ മാഫിയയെ വലയിലാക്കാന്‍ ഒരുക്കിയ ഓപ്പറേഷന്‍ ചാലിയാറിന്റെ ഭാഗമായായി പൊലിസ് ശക്തമായ പരിശോധനയാണു നടത്തി വരുന്നത്. പുഴക്കരയിലും മറ്റുമായി കൂട്ടിയിട്ട നാല്‍പത് ലോഡ് മണലുകളും പത്തു തോണികളും ഓപ്പറേഷന്‍ ചാലിയാറിന്റെ ഭാഗമായി എസ്.ഐ കെ. സിനോദിന്റെ നേതൃത്വത്തിലുള്ള സംഘം പിടികൂടിയിട്ടുണ്ട്.