നിലമ്പൂര്‍: ചുങ്കത്തറ വനിതാ സഹകരണസംഘത്തിന്റെ പുതിയ കെട്ടിടത്തിന്റെ ഉദ്ഘാടനം നാളെ സഹകരണ വകുപ്പു മന്ത്രി എ.സി മൊയ്തീന്‍ നിര്‍വഹിക്കുമെന്നു ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. വൈകുന്നേരം മൂന്നിനു നടക്കുന്ന ചടങ്ങില്‍ പി.വി അന്‍വര്‍ എംഎല്‍എ അധ്യക്ഷനാകും. സ്ത്രീകളുടെ കലാപോഷണത്തിനായി രൂപീകരിച്ച ക്യാപ്റ്റന്‍ ലക്ഷ്മി ശിങ്കാരിമേളം ട്രൂപ്പിന്റെ ഉദ്ഘാടനം ചടങ്ങില്‍ വനിത ഫെഡ് ഡയറക്ടര്‍ അഡ്വ. കെ.പി സുമതി നിര്‍വഹിക്കും. ഓഡിറ്റോറിയം ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി.പി സുഗതനും സേഫ് ഡിപ്പോസിറ്റ് ലോക്കര്‍ ഉദ്ഘാടനം സഹകരണസംഘം ജോയിന്റ് റജിസ്റ്റാര്‍ എം.ടി ദേവസ്യയും കൗണ്ടര്‍ ഉദ്ഘാടനം ചുങ്കത്തറ ഗ്രാമ പഞ്ചായത്ത് പ്രസിഡന്റ് കെ. സ്വപ്നയും നിര്‍വഹിക്കും. സഹകരണ വകുപ്പ് ഉദ്യോഗസ്ഥര്‍ വിവിധ രാഷ്ട്രീയ പ്രതിനിധികള്‍ തുടങ്ങിയവര്‍ ആശംസയര്‍പ്പിക്കും. വാര്‍ത്താ സമ്മേളനത്തില്‍ സംഘം പ്രസിഡന്റ് പി.കെ സൈനബ, സെക്രട്ടറി റോമിന വര്‍ഗീസ്, ജമീല സക്കീര്‍, ലൈല ജേക്കബ്, ഡെല്‍ഫി അലക്‌സ്, പ്രേമ കുഞ്ഞുമോന്‍ തുടങ്ങിയവര്‍ പങ്കെടുത്തു.