കൂറ്റനാട്: കറുകപുത്തൂരില്‍ സാമൂഹിക വിരുദ്ധരുടെ ആക്രമണത്തില്‍ ടൂറിസ്റ്റ് ബസിന്റെ ചില്ല് തകര്‍ന്നു. രാത്രിയിലാണ് സംഭവം.
പെട്രോള്‍ പമ്പില്‍ നിര്‍ത്തിയിട്ട ബസിന് ചില്ലുകളാണ് രാത്രി നശിപ്പിച്ചത്. കറുകപുത്തുര്‍ സ്വദേശി എളാട്ടുവളപ്പില്‍ ബാലചന്ദ്രന്റെ ഉടമസ്ഥതയിലുള്ളതാണ് വാഹനം.
ദിവസവും ഓട്ടംകഴിഞ്ഞു പെട്രോള്‍ പമ്പിലാണ് നിര്‍ത്തിയിടാറുള്ളത്. സാമൂഹിക വിരുദ്ധരുടെ ആക്രമണത്തില്‍ ബസിന്റെ മുന്‍വശത്തെ ചില്ല് പൂര്‍ണമായും തകര്‍ന്നു.
രാത്രിയായതിനാല്‍ ചില്ല് തകര്‍ത്തവരെ തിരിച്ചറിയാനായില്ല. ഏകദേശം നാല്‍പ്പതിനായിരത്തോളം രൂപയുടെ നഷ്ടം സംഭവിച്ചതായി വാഹന ഉടമ പറയുന്നു. ചാലിശ്ശേരി പൊലിസ് കേസെടുത്തു.