അൽ അഹ്‌സ: സമസ്ത ഇസ്‌ലാമിക് സെന്റർ (എസ്‌ഐസി) സഊദി നാഷണൽ കമ്മിറ്റി പ്രഖ്യാപിച്ച 'തിരു നബി (സ): സ്നേഹം, സമത്വം, സഹിഷ്ണുത' എന്ന പ്രമേയത്തിൽ എസ്‌ഐസി അൽ അഹ്‌സ സെൻട്രൽ കമ്മിറ്റി സംഘടിപ്പിക്കുന്ന റബീഅ് കാംപയിന് ഉജ്ജ്വല തുടക്കം. "വസന്തം 1445" ന്റെ ഉദ്ഘാടനം ഹുഫൂഫിൽ ഈസ്റ്റേൺ പ്രൊവിൻസ് പ്രസിഡണ്ട് അബ്ദുൽ നാസർ ദാരിമി കാംപയിൻ ഉദ്ഘാടനം ചെയ്തു. സ്വലാത് മജ്ലിസിന് ഉസ്താദ് അഹ്മദ് ദാരിമി നേത്രത്വം നൽകി.

ഈസ്റ്റേൺ പ്രൊവിൻസ് ചെയർമാൻ സയ്യിദ് ഹബീബ് തങ്ങൾ, സെക്രട്ടറി മുനീർ കൊടുവള്ളി എന്നിവർ ആശംസ അറിയിച്ചു. വ്യത്യസ്തമാർന്ന നിരവധി പരിപാടികളാണ് കാംപയിൻ കാലയളവിൽ ഉൾപെടുത്തിയിരിക്കുന്നത്. പ്രവാചക പ്രകീർത്തന സദസുകൾ, സ്റ്റാറ്റസ് ചലഞ്ച്, മധുര സൽക്കാരം, എൻ്റെ പുണ്യ നബിക്ക് എൻ്റെ സ്വലാത്ത്, മദ്രസ ഫെസ്റ്റ്, നബി വായന (ചരിത്രം), സമാപന സമ്മേളനം എന്നിങ്ങനെ വിവിധ സെഷനുകളാണ് കാംപയിനിലുള്ളത്.