വെങ്കിടങ്ങ്: പഞ്ചായത്തിലെ ക്ഷേമ പെന്‍ഷന്‍ വിതരണം കരുവന്തല കോളനിയിലെ നമ്പിയത്ത് ശരത് ബാബുവിന് നല്‍കി വെങ്കിടങ്ങ് ഗ്രാമ പഞ്ചായത്ത് പ്രസിഡന്റ് രതി.എം.ശങ്കര്‍ ഉദ്ഘാടനം ചെയ്തു. ഫാര്‍മേഴ്‌സ് ബാങ്ക് പ്രസിഡന്റ് എ.കെ തങ്ങള്‍ അധ്യക്ഷനായി.
അഞ്ച് തരം പെന്‍ഷന്‍ വിതരണം ചെയ്യാനുള്ള തുക സര്‍ക്കാര്‍ ബാങ്കിന് നല്‍കി. ബാങ്കിന്റെ കലക്ഷന്‍ ഏജന്റ്മാര്‍ ഗുണഭോക്താക്കളുടെ വീടുകളില്‍ ഉടന്‍ എത്തിക്കും. മുവ്വായിരത്തിലധികം പെന്‍ഷന്‍ ഗുണഭോക്താക്കള്‍ പഞ്ചായത്തിലുണ്ട്. ബാങ്കിന്റെ എം.ഡി വി നന്ദകുമാര്‍ സ്വാഗതം പറഞ്ഞു. ബ്ലോക്ക് അംഗം എം.എം വാസന്തി, പഞ്ചായത്ത് വൈസ് പ്രസിഡന്റ് സണ്ണി വടക്കന്‍, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.വി വേലുകുട്ടി, ഫാര്‍മേഴ്‌സ് ബാങ്ക് പ്രസിഡന്റ് എ.കെ തങ്ങള്‍, സജ സാദത്ത്, ഷീല ചന്ദ്രന്‍, വാര്‍ഡ് അംഗം രത്‌നവല്ലി, നോഡല്‍ ഓഫിസര്‍ എയ്ഞ്ചല്‍ ജോണ്‍, എ.സിമി, കെ.വി മനോഹരന്‍, പി.കെ പീതാംബരന്‍, അപ്പു ചീരോത്ത്, ഗ്രേസി ജേക്കബ് എന്നിവര്‍ പങ്കെടുത്തു.