ദുബൈ: യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് ആല്‍ നഹ്‌യാന്‍ റഷ്യ സന്ദര്‍ശനത്തില്‍. വിവിധ തുറകളില്‍ സഹകരണം വിപുലപ്പെടുത്തുകയെന്ന ലക്ഷ്യത്തോടെയാണ് സന്ദര്‍ശനം. പ്രസിഡന്റ വ്‌ളാദിമിര്‍ പുടിനുമായി ശൈഖ് മുഹമ്മദ് നിര്‍ണായക ചര്‍ച്ച നടത്തും.ചൊവ്വാഴ്ചയാണ് യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് ആല്‍ നഹ്‌യാന്‍ റഷ്യയിലെത്തുക. ഗള്‍ഫ് ഉള്‍പ്പെടെ അറബ് രാജ്യങ്ങളുമായി അടുത്ത ബന്ധം രൂപപ്പെടുത്താന്‍ റഷ്യ എല്ലാ നീക്കങ്ങളും നടത്തുന്നുണ്ട്. യുക്രൈന്‍ യുദ്ധം ഉള്‍പ്പെടെയുള്ള കാര്യങ്ങള്‍ ഇരു പ്രസിഡന്റുമാരും ചര്‍ച്ച ചെയ്യും. സമാധാനപൂര്‍ണമായ പ്രശ്‌നപരിഹാരം എന്ന യു.എ.ഇ നിലപാട് ശൈഖ് മുഹമ്മദ്ബിന്‍ സായിദ് റഷ്യയ ധരിപ്പിക്കും. പൊതു താല്‍പര്യമുള്ള നിരവധി വിഷയങ്ങളില്‍ ഇരു പ്രസിഡന്റുമാരും തമ്മില്‍ ചര്‍ച്ച നടക്കുമെന്ന് യു.എ.ഇ ഔദ്യോഗിക വാര്‍ത്താ ഏജന്‍സിയായ 'വാം' റിപ്പോര്‍ട്ട് ചെയ്തു. സെന്റ് പീറ്റേഴ്‌സ് ബര്‍ഗിലായിരിക്കും കൂടിക്കാഴ്ച.2019ല്‍ റഷ്യന്‍ പ്രസിഡന്റ് പുടിന്‍ യു.എ.ഇ സന്ദര്‍ശിച്ചിരുന്നു.