ന്യൂഡല്‍ഹി: അസം- മിസോറാം സംസ്ഥാനങ്ങള്‍ തമ്മിലുള്ള സംഘര്‍ഷാവസ്ഥ തുടരുന്നു. മിസോറാമില്‍ നിന്ന് വരുന്ന എല്ലാ വാഹനങ്ങളും പരിശോധിക്കാന്‍ ഉത്തരവിട്ടിരിക്കുകയാണ് അസം സര്‍ക്കാര്‍. വ്യാഴാഴ്ച ഇരുസംസ്ഥാനങ്ങളിലെയും പൊലിസുകാര്‍ തമ്മിലുണ്ടായ വെടിവയ്പ്പില്‍ ആറ് അസം പൊലിസുകാര്‍ കൊല്ലപ്പെട്ടിരുന്നു.

വ്യക്തി സുരക്ഷ കണക്കിലെടുത്ത് അസം സ്വദേശികള്‍ മിസോറാമിലേക്ക് പോവരുതെന്ന് നേരത്തെ ഉത്തരവിറക്കിയിരുന്നു.

മിസോറാമില്‍ നിന്ന് വ്യാപകമായി അസമിലേക്ക് മയക്കുമരുന്ന് കടത്ത് നടക്കുന്നുണ്ടെന്ന് ചൂണ്ടിക്കാട്ടിയാണ് ഇപ്പോള്‍ പരിശോധന നടത്തുന്നത്. കഴിഞ്ഞ രണ്ടു മാസത്തിനിടെ ഇതുസംബന്ധിച്ച് 912 കേസുകള്‍ രജിസ്റ്റര്‍ ചെയ്തുവെന്നും അസം ന്യായീകരിക്കുന്നു.