ചാവക്കാട്: ബഹ്‌റൈനില്‍ വച്ച് അപകടത്തില്‍ മരണമടഞ്ഞ അഷ്‌കറിന്റെ കുടുംബത്തിന് ബഹ്‌റൈന്‍ കെ.എം.സി.സി നടപ്പിലാക്കുന്ന പ്രവാസി ബൈത്തുറഹ്മയില്‍ ഉള്‍പ്പെടുത്തി നിര്‍മിച്ചു നല്‍കുന്ന വീടിന്റെ ശിലാസ്ഥാപനം പുന്നയൂര്‍ പഞ്ചായത്ത് എടക്കഴിയൂരില്‍ മുസ്‌ലീം ലീഗ് സംസ്ഥാന സെക്രട്ടറി കെ.എസ് ഹംസ നിര്‍വഹിച്ചു.
മുസ്‌ലീം ലീഗ് തൃശൂര്‍ ജില്ലാ പ്രസിഡന്റ് സി.എച്ച് റഷീദ്, ബഹ്‌റൈന്‍ കെ.എം.സി.സി സംസ്ഥാന ജനറല്‍ സെക്രട്ടറി അസൈനാര്‍ കളത്തിങ്കല്‍, പ്രവാസി ബൈത്തുറഹ്മ സംസ്ഥാന കോഡിനേറ്റര്‍മാരായ യൂസഫ് കൊയ്‌ലാണ്ടി, അലി കൊയ്‌ലാണ്ടി, പുന്നയൂര്‍ ഗ്രാമപഞ്ചായത്ത് വൈസ് പ്രസിഡന്റ് ആര്‍.പി ബഷീര്‍, ബഹ്‌റൈന്‍ കെ.എം.സി.സി ദക്ഷിണ മേഖല സെക്രട്ടറി റാഷിദ് അവിയൂര്‍, ഹിമാമുദ്ധീന്‍ റംജജു സേഠ്, മുസ്‌ലിം ലീഗ് പഞ്ചായത്ത് പ്രസിഡന്റ് എം.വി ഷെക്കീര്‍, സെക്രട്ടറി സിദ്ധീഖ് ഹാജി, കെ.എം.സി.സി നേതാക്കളായ ഫൈസല്‍ ഗലാലി, അബു പുന്നയൂര്‍, വി.എച്ച് അബ്ദുള്ള, മുസ്തഫ മുഹമ്മദ് പുന്നയൂര്‍, യൂത്ത് ലീഗ് നേതാക്കളായ ഉസ്മാന്‍, സലീം അവിയൂര്‍, അഷ്‌കര്‍ കുഴിങ്ങര, അസീസ് മന്നലാംകുന്ന്, ഷാഫി എടക്കഴിയൂര്‍, ഹനീഫ കാജ കമ്പനി തുടങ്ങി രാഷ്ട്രീയ മത സാമൂഹിക സാംസ്‌കാരിക രംഗങ്ങളിലെ പ്രമുഖ വ്യക്തിത്വങ്ങള്‍ പങ്കെടുത്തു.
അബ്ദുല്‍ റഷീദ് അഷ്‌റഫി പ്രാര്‍ഥന നടത്തി. 2015 ജൂണ്‍ 18 ന് ബഹറൈനില്‍ വാഹനപകടത്തില്‍ മരിച്ച എടക്കഴിയൂര്‍ കാരക്കാട്ട് മൊയ്തുട്ടയുടെ മകന്‍ അഷ്‌ക്കര്‍ (26) ആണ് ശിഹാബ് തങ്ങളുടെ പേരിലുള്ള ബഹ്‌റൈന്‍ കെ.എം.സി.സി നടപ്പിലാക്കുന്ന പ്രവാസി ബൈത്തുറഹ്മയില്‍ ഉള്‍പ്പെടുത്തി കാരുണ്യ ഭവനം നല്‍കുന്നത്. അടുത്ത ദിവസം തന്നെ വീടിന്റെ പണികള്‍ ആരംഭിക്കും.