ദോഹ: ഹജ്ജിനു പോകുന്നവര്‍ക്ക് ആവശ്യമായ സാധനങ്ങള്‍ അടങ്ങിയ കിറ്റ് ഖത്തര്‍ എയര്‍വെയ്‌സ് നല്‍കുന്നു. മദീനയിലേക്കും ജിദ്ദയിലേക്കും യാത്ര ചെയ്യുന്ന മുഴുവന്‍ തീര്‍ഥാടകര്‍ക്കും ഇന്നുമുതലാണ് ഖത്തര്‍ എയര്‍വെയ്‌സ് ഹജ്ജ് കിറ്റ് നല്‍കുന്നത്. കഴിഞ്ഞവര്‍ഷം മുതലാണ് ഖത്തര്‍ എയര്‍വെയ്‌സ് ആവശ്യമായ ഇനങ്ങളടങ്ങിയ കിറ്റ് വിതരണം ചെയ്തു തുടങ്ങിയത്.
ഖത്തര്‍ എയര്‍വെയ്‌സ് സെപ്റ്റംബര്‍ ഒന്നുമുതല്‍ ഹമദ് അന്താരാഷ്ട്ര വിമാനത്താവളത്തില്‍ നിന്ന് പ്രതിദിനം നാല് സര്‍വിസുകള്‍ ജിദ്ദയിലേക്കും മൂന്ന് സര്‍വിസുകള്‍ മദീനയിലേക്കും നടത്തും. ജിദ്ദയ്ക്കും മദീനയ്ക്കും പുറമേ സഊദിയിലെ റിയാദ്, അബഹ, ദമ്മാം, ഗാസിം, ഹൊഫൂഫ്, താഇഫ് എന്നിവിടങ്ങളിലേക്കും ഖത്തര്‍ എയര്‍വെയ്‌സ് സര്‍വിസ് നടത്തുന്നുണ്ട്.
ഈ വര്‍ഷം ഖത്തര്‍ എയര്‍വെയ്‌സ് 10 പുതിയ റൂട്ടുകള്‍ കൂടി ആരംഭിച്ചിട്ടുണ്ട്.