മനാമ:  ബഹ്‌റൈന്‍ കെ.എം.സി.സിയുടെ രക്തദാന ക്യാംപിന്റെ പ്രചരണാര്‍ഥം 'ജാനുവേട്ടത്തിയും കേളപ്പേട്ടനും' നടത്തുന്ന ഓണ്‍ലൈന്‍ പ്രചരണം വൈറലാകുന്നു. 'ജാനു തമാശകള്‍' എന്ന പേരിലുള്ള ഹാസ്യ പരമ്പരകളിലൂടെ ശ്രദ്ധേയരായ 'ജാനുവേട്ടത്തിയും കേളപ്പനും' തമ്മിലുള്ള സംസാരമാണ് രക്തദാന പ്രചരണത്തിനുപയോഗിക്കുന്നത്.
ബഹ്‌റൈനിലുള്ള വടകര കാര്‍ത്തികപ്പള്ളിയിലെ ലിധിലാല്‍ ആണ്  'ജാനു തമാശകള്‍ ' അവതരിപ്പിച്ചുവരുന്നത്. ഒരേസമയം ജാനുവേട്ടത്തിക്കും കേളപ്പനനും ശബ്ദംനല്‍കുന്ന ലിധിലാല്‍  ബഹ്‌റൈന്‍ പ്രവാസികള്‍ക്കിടയില്‍ ചിരപരിചിതമാണ്. ഇതു തന്നെയാണ് ഇദ്ദേഹത്തിന്റെ പരിപാടിയെ ഉപയോഗപ്പെടുത്താന്‍ സംഘാടകരെ പ്രേരിപ്പിച്ചത്.