കോഴിക്കോട്: എല്‍.ഡി.എഫ് സര്‍ക്കാറിന്റെ വിദ്യാര്‍ഥിവിരുദ്ധ നിലപാടുകള്‍ക്കെതിരേ എം.എസ്.എഫ് സംസ്ഥാനവ്യാപകമായി ഡി.ഡി.ഇ ഓഫിസുകളിലേക്ക് 29ന് രാവിലെ പത്തിന് മാര്‍ച്ച്  നടത്തും. പാഠപുസ്തക വിതരണം പൂര്‍ത്തിയാക്കുക, വിദ്യാര്‍ഥികള്‍ക്ക് സ്‌കോളര്‍ഷിപ്പ് ഉടന്‍ ലഭ്യമാക്കാനുള്ള നടപടികള്‍ സ്വീകരിക്കുക തുടങ്ങിയ  ആവശ്യങ്ങള്‍ ഉന്നയിച്ചാണ് മാര്‍ച്ച് സംഘടിപ്പിക്കുന്നത്.
കോഴിക്കോട്ട് സംസ്ഥാന പ്രസിഡന്റ് മിസ്ബഹ് കീഴരിയൂര്‍, മലപ്പുറത്ത് സംസ്ഥാന ജനറല്‍ സെക്രട്ടറി എം.പി നവാസ്, പാലക്കാട്ട് ട്രഷറര്‍ യൂസഫ് വല്ലാഞ്ചിറ, കാസര്‍കോട്ട് ഷരീഫ് വടക്കയില്‍, കണ്ണൂരില്‍ നിഷാദ് കെ.സലീം, വയനാട്ടില്‍ ഹാഷിം ബംബ്രാണി, തൃശൂരില്‍ കെ.കെ.എ അസീസ്, എറണാകുളത്ത് ഫൈസല്‍ ചെറുകുന്നോന്‍, ആലപ്പുയില്‍ സല്‍മാന്‍ ഹനീഫ്, ഇടുക്കിയില്‍ മുഹമ്മദ് അസ്ഹറുദ്ദീന്‍, കോട്ടയത്ത് ഷാക്കിര്‍ അടൂര്‍, പത്തനംതിട്ടയില്‍ പി.കെ നവാസ്, കൊല്ലത്ത് ഷബീര്‍ ഷാജഹാന്‍, തിരുവനന്തപുരത്ത് കെ.എം ഫവാസ് എന്നിവര്‍ ഉദ്ഘാടനം ചെയ്യും.