മോഷ്ടിച്ചത് മുക്കുപണ്ടമെന്ന് പൊലിസ്

കോഴിക്കോട്: കൊടുവള്ളിയിലെ പെട്രോള്‍ പമ്പില്‍ നടന്ന മോഷണത്തില്‍ ട്വിസ്റ്റ്. പമ്പ് ജീവനക്കാരിയുടെ ബാഗില്‍ നിന്ന് മോഷ്ടാക്കള്‍ കവര്‍ന്ന മാല മുക്കുപണ്ടമാണെന്ന് പൊലിസ് കണ്ടെത്തി. ബാഗിലുണ്ടായിരുന്ന സ്വര്‍ണമാല യുവതിയുടെ അമ്മ എടുത്തുമാറ്റിയിരുന്നു. ഇത് താന്‍ അറിഞ്ഞിരുന്നില്ലെന്ന് ജീവനക്കാരി പൊലീസിനോട് പറഞ്ഞു.

കൊടുവള്ളിയിലെ പെട്രോള്‍ പമ്പില്‍ ഇന്നലെ പട്ടാപ്പകലായിരുന്നു സംഭവം. മോഷണത്തില്‍ പ്രായപൂര്‍ത്തിയാകാത്ത രണ്ടുപേരെ പൊലീസ് അറസ്റ്റ് ചെയ്തിരുന്നു. ഇന്നലെ ഉച്ചയ്ക്കായിരുന്നു ഇവര്‍ മോഷണം നടത്തിയത്. സിസിടിവി ദൃശ്യങ്ങളില്‍ നിന്നാണ് പ്രതികളെ തിരിച്ചറിഞ്ഞത്. പമ്പിനുള്ളിലെ മുറിയില്‍ സൂക്ഷിച്ചിരുന്ന ബാഗില്‍ നിന്ന് ഒന്നേകാല്‍ പവാന്റെ മാലയും 3000 രൂപയും കവര്‍ന്നുവെന്നായിരുന്നു യുവതി പൊലിസില്‍ പരാതി നല്‍കിയിരുന്നത്.