ഒറ്റപ്പാലം: പാലക്കാട് പ്രായപൂര്‍ത്തിയാവാത്ത പെണ്‍കുട്ടിയെ ലഹരിവസ്തു നല്‍കി പീഡിപ്പിച്ചതായി പരാതി. കഞ്ചാവ്, എംടിഎംഎ, മദ്യം എന്നിവ നല്‍കിയാണ് പീഡിപ്പിച്ചത്. സംഭവത്തില്‍ പാലക്കാട് ഒറ്റപ്പാലം പൊലീസ് 14 കേസുകള്‍ രജിസ്റ്റര്‍ ചെയ്തിട്ടുണ്ട്.

കൊല്ലം,തൃശ്ശൂര്‍,എറണാകുളം,വയനാട് എന്നീ ജില്ലകളില്‍ എത്തിച്ചാണ് പെണ്‍കുട്ടിയെ പീഡിപ്പിച്ചത്. രണ്ട് മാസം മുമ്പാണ് 17 വയസുള്ള പെണ്‍കുട്ടിയെ കാണാതാകുന്നത്. കുട്ടിയുടെ അമ്മ നല്‍കിയ പരാതിയില്‍ പൊലീസ് നടത്തിയ അന്വേഷണത്തിനൊടുവില്‍ തിരുവനന്തപുരത്ത് വെച്ചാണ് പെണ്‍കുട്ടിയെ കണ്ടെത്തുന്നത്.

പിന്നീട് പൊലീസ് നടത്തിയ ഊര്‍ജിത അന്വേഷണത്തിനൊടുവില്‍ പെണ്‍കുട്ടി നിരവധി തവണ പീഡിപ്പിക്കപ്പെട്ടിട്ടുണ്ടെന്ന് കണ്ടെത്തി. സംഭവത്തില്‍ 14 പ്രതികളാണുള്ളതെന്ന് പൊലീസ് അറിയിച്ചു.