കൊച്ചി: ഐ.എസ്.എല്ലില്‍ കേരളാ ബ്ലാസ്‌റ്റേഴ്‌സിന് കനത്ത തോല്‍വി. എ.ടി.കെ മോഹന്‍ ബഗാന്‍ രണ്ടിനെതിരെ അഞ്ച് ഗോളുകള്‍ക്കാണ് ബ്ലാസ്‌റ്റേസിനെ വീഴ്ത്തിയത്. തുടക്കത്തിലെ മുന്നിലെത്തിയിട്ടും ബഗാനെതിരെ പിടിച്ചു നില്‍ക്കാന്‍ കൊമ്പന്മാര്‍ക്കായില്ല. സീസണില്‍ എ.ടി.കെയുടെ ആദ്യ ജയമാണിത്. ആദ്യ പകുതിയില്‍ ഒന്നിനെതിരെ രണ്ട് ഗോളുള്‍ക്ക് എ.ടി.കെ മുന്നിലായിരുന്നു. എ.ടി.കെക്കായി ഓസ്‌ട്രേലിയന്‍ താരം ദിമിത്രി പെട്രാറ്റോസ് ഹാട്രിക്ക് നേടിയപ്പോള്‍ ജോണി കൗക്കോയും ലെനി റോഡ്രിഗസും ഗോള്‍ പട്ടിക തികച്ചു. ഇവാന്‍ കല്യൂഷ്‌നിയും കെ പി രാഹുലുമായിരുന്നു ബ്ലാസ്റ്റേഴ്‌സിന് വേണ്ടി ആശ്വാസ ഗോള്‍ നേടിയത്. സീസണിലെ രണ്ട് മത്സരങ്ങളില്‍ ബ്ലാസ്റ്റേഴ്‌സിന്റെ ആദ്യ തോല്‍വിയാണിത്.