ബാഴ്‌സലോണ: അര്‍ജന്റൈന്‍ സൂപ്പര്‍ താരം ലയണല്‍ മെസ്സി ബാഴ്‌സലോണ വിട്ടു. കരാര്‍ പുതുക്കുന്നതുമായി ബന്ധപ്പെട്ട് ബാഴ്‌സ മാനേജ്‌മെന്റുമായി നടത്തിയ ചര്‍ച്ച പരായപ്പെടുകയായിരുന്നു. ബാഴ്‌സലോണയുടെ പുതിയ പ്രസിഡന്റ് ലെപോര്‍ട്ട സ്ഥാനമേറ്റപ്പോള്‍ മെസ്സി ക്ലബില്‍ തുടരുമെന്ന് സംസാരമുണ്ടായിരുന്നു.

മെസ്സി ബാഴ്‌സലോണയില്‍ തുടരാന്‍ വേതനം കുറക്കാന്‍ സമ്മതിച്ചതായും വാര്‍ത്തകള്‍ പരന്നിരുന്നു. എന്നാല്‍ ഇതിനെയെല്ലാം അസ്ഥാനത്താക്കിയാണ് താരം ബാഴ്‌സലോണ വിടാന്‍ തീരുമാനിച്ചിരിക്കുന്നത്. ട്വിറ്ററിലൂടെ ബാഴ്‌സലോണയാണ് ഇക്കാര്യം അറിയിച്ചത്. സാമ്പത്തിക പരമായ കാരണങ്ങളാണ് താരം ക്ലബ് വിടുന്നതെന്നും ബാഴ്‌സലോണ അറിയിച്ചു. മെസ്സി എവിടേക്കാണ് പോകുന്നതെന്ന കാര്യം അറിയിച്ചിട്ടില്ല.

കോപാ അമേരിക്കന്‍ ടൂര്‍ണമെന്റിന് ശേഷം താരവും കുടുംബവും ഇപ്പോള്‍ അവധി ആഘോഷത്തിലാണുള്ളത്. ബാഴ്‌സലോണ അക്കാദമിയായ ലാമാസിയയില്‍ നിന്ന് കളി പഠിച്ച് എത്തിയ മെസ്സി 2000 മുതല്‍ ബാഴ്‌സോണ ടീമിനൊപ്പമുണ്ട്. ബാഴ്‌സലോണക്കായി 520 മത്സരത്തില്‍ നിന്ന് 474 ഗോളുകളും മെസ്സി സ്വന്തമാക്കിയിട്ടുണ്ട്.