പെയ്തിറങ്ങിയില്ല, നൂറുവര്‍ഷത്തിനിടയിലെ കുറഞ്ഞ മഴക്കാലത്തിന്റെ വക്കില്‍ കേരളം

തിരുവനന്തപുരം: തുള്ളിക്കൊരു കുടം വച്ച് പെയ്തിറങ്ങിയ മഴ ഓര്‍മയാകുകയാണോ. കാലവര്‍ഷത്തിലെ അവസാന നാളുകള്‍ അടുക്കുമ്പോള്‍ നൂറുവര്‍ഷത്തിനിടയിലെ ഏറ്റവും കുറവ് മഴക്കാലത്തിന്റെ വക്കിലാണ് കേരളം. മൊത്തം വാര്‍ഷിക മഴയുടെ 70മുതല്‍ 80 ശതമാനം വരെ സംഭാവന ചെയ്യുന്ന തെക്കുപടിഞ്ഞാറന്‍ മണ്‍സൂണ്‍ ഈ വര്‍ഷം നിരാശപ്പെടുത്തി. ജൂണ്‍ മുതല്‍ സെപ്റ്റംബര്‍ വരെയുള്ള കാലയളവില്‍ പ്രതീക്ഷിച്ച 1,985 മില്ലിമീറ്റര്‍ മഴ പെയ്തിറങ്ങിയില്ല. 1,231മില്ലിമീറ്റര്‍ മാത്രമാണ് ലഭിച്ചത്. ഇത് 38ശതമാനം കുറവാണ്.
1976ല്‍ 1,296 മില്ലിമീറ്റര്‍ പെയ്ത് സംസ്ഥാനം അവസാനമായി ഇത്രയും ഭയാനകമായ കാലവര്‍ഷത്തിന് സാക്ഷ്യം വഹിച്ചത് ഈ വര്‍ഷമാണ്. സംസ്ഥാനത്ത് ഈ വര്‍ഷം സാധാരണയില്‍ കവിഞ്ഞ മണ്‍സൂണ്‍ ലഭിക്കുമെന്ന് പ്രതീക്ഷിച്ചിരുന്നു. ജൂണില്‍ കടന്നുവന്ന ബൈപാര്‍ജോയ് ചുഴലിക്കാറ്റും ടൈഫൂണും സീസണിന്റെ തുടക്കത്തില്‍ ദുര്‍ബലമായ മണ്‍സൂണിന് കാരണമായി. പോസിറ്റീവ് ഇന്ത്യന്‍ ഓഷ്യന്‍ ഡൈപോളിന്റെ (ഐ.ഒ.ഡി) സജീവമാകാനുള്ള കാലതാമസവും മണ്‍സൂണിനെ സാരമായി ബാധിച്ചു.

സെപ്റ്റംബറിലെ മെച്ചപ്പെട്ട മഴ ഓഗസ്റ്റിലെ ഭയാനകമായ 50ശതമാനത്തില്‍ നിന്ന് കമ്മി ലഘൂകരിച്ചെങ്കിലും, എല്‍ നിനോയുടെ ആവിര്‍ഭാവത്തെക്കുറിച്ചുള്ള ആശങ്കകള്‍ ഉയര്‍ന്നുവരുന്നു. ഭൂമധ്യരേഖാ പസഫിക് സമുദ്രത്തിലെ സമുദ്രോപരിതല താപനില കാലാനുസൃതമായി വര്‍ധിക്കുന്ന ഈ പ്രതിഭാസത്തിന് മണ്‍സൂണിനെ കൂടുതല്‍ തടസ്സപ്പെടുത്താനുള്ള കഴിവുണ്ട്. 2016ലെ ആവര്‍ത്തനം സംസ്ഥാനത്തിന് കൂടുതല്‍ ദുരിതമാകും. 2023പോലെ, 201516 ലും എല്‍ നിനോയുടെ സ്വാധീനം ഉണ്ടായിരുന്നു. കാലാവസ്ഥാ പ്രതിഭാസം 2016ലെ വടക്കുകിഴക്കന്‍ മണ്‍സൂണിനെ ബാധിച്ചു. ആ വര്‍ഷം 60 ശതമാനത്തിലധികം കമ്മി ഉണ്ടായി.

മണ്‍സൂണ്‍ ചരിത്രത്തില്‍

1,918ല്‍ 1,223 മില്ലിമീറ്റര്‍ തെക്കുപടിഞ്ഞാറന്‍ കാലവര്‍ഷമാണ് സംസ്ഥാനത്ത് ലഭിച്ചത്. 2016 ല്‍ സംസ്ഥാനം വരള്‍ച്ച വര്‍ഷമായി പ്രഖ്യാപിച്ചപ്പോള്‍, തെക്കുപടിഞ്ഞാറന്‍ മണ്‍സൂണ്‍ സീസണില്‍ 1,352 മില്ലിമീറ്റര്‍ മഴയാണ് ലഭിച്ചത്.'