ന്യുഡല്‍ഹി: ബിസിസിഐയുടെ അധ്യക്ഷനായി സൗരവ് ഗാംഗുലിക്ക് പകരം മുന്‍താരം റോജര്‍ ബിന്നിയെ തിരഞ്ഞെടുത്തു. മുംബൈയില്‍ നടന്ന വാര്‍ഷിക യോഗത്തിലാണ് റോജര്‍ ബിന്നിയെ തിരഞ്ഞെടുത്തത്. കേന്ദ്ര ആഭ്യന്തര മന്ത്രിയുമായ അമിത് ഷായുടെ മകന്‍ ജയ് ഷാ സെക്രട്ടറി സ്ഥാനത്ത് തുടരും.

ആശിഷ് ഷെലാര്‍ (ട്രഷറര്‍), രാജീവ് ശുക്ല (വൈസ് പ്രസിഡന്റ്), ദേവജിത് സൈകിയ (ജോയിന്‍ സെക്രട്ടറി). സ്ഥാനമൊഴിയുന്ന ട്രഷറര്‍ അരുണ്‍ ധുമാലിനെ ഐപിഎല്‍ ചെയര്‍മാനായും തിരഞ്ഞെടുത്തു.

അടുത്ത വര്‍ഷം ലോകകപ്പ് നടക്കാനിരിക്കേയാണ് പുതിയ അധ്യക്ഷനെ തിരഞ്ഞെടുത്തിരിക്കുന്നത്. ബാംഗ്ലൂര്‍ സ്വദേശിയായ റോജര്‍ ബിന്നി ഇന്ത്യയ്ക്കു വേണ്ടി 27 ടെസ്റ്റുകളും 72 ഏകദിന മത്സരങ്ങളും കളിച്ചിട്ടുണ്ട്.