തിരുവനന്തപുരം: കേരള സര്‍വകലാശാല മുന്‍ വൈസ് ചെയര്‍മാന്‍ ജോണ്‍ വര്‍ഗീസ് വിളനിലം അന്തരിച്ചു. 87 വയസായിരുന്നു. ശ്രീകാര്യത്തെ വസതിയിലായിരുന്നു അന്ത്യം. വാര്‍ധക്യസഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു.

കേരള സര്‍വകലാശാലയില്‍ അധ്യാപകനായി ആരംഭിച്ച ഡോ. വിളനിലം, ഇന്ത്യയിലും അമേരിക്കയിലും വര്‍ഷങ്ങളോളം അധ്യാപനം നടത്തിയതിന് ശേഷം കേരള സര്‍വ്വകലാശാലയുടെ വൈസ് ചാന്‍സലര്‍ ആയി നിയമിതനായി. 1992 1996 കാലഘട്ടത്തിലാണ് അദ്ദേഹം വൈസ് ചാന്‍സലറായി പ്രവര്‍ത്തിച്ചത്.

സംസ്ഥാനത്തു സര്‍വ്വകലാശാലകളില്‍ ക്രെഡിറ്റ് ആന്റ് സെമസ്റ്റര്‍ സംവിധാനം ആദ്യമായി കൊണ്ട് വന്നത് വിളനിലമായിരുന്നു. വിദ്യാഭ്യാസ യോഗ്യത വ്യാജമെന്നാരോപിച്ചു എസ്എഫ്‌ഐ വിളനിലത്തിനെതിരെ സമരം നടത്തി. എന്നാല്‍ സര്‍ക്കാര്‍ നിയോഗിച്ച കമ്മീഷന്‍ മതിയായ യോഗ്യത ഉണ്ടെന്നു ശരി വെക്കുകയായിരുന്നു.