നെടുമങ്ങാട്: പൂവത്തൂര്‍ ജങ്ഷനിലെ മൂന്നു വ്യാപാര സ്ഥാപനങ്ങളില്‍ കവര്‍ച്ച.
മണികണ്ഠന്റെ പലചരക്ക് കട, സുശീലന്റെ സ്റ്റേഷനറികട, വാസന്റെ ചായക്കട എന്നിവിടങ്ങളിലാണ് കവര്‍ച്ച നടന്നത്. പലചരക്ക് കടയില്‍ നിന്നു 7000 രൂപയുടെ ഫോണ്‍, റിചാര്‍ജ് കൂപ്പണുകള്‍, മേശവലിപ്പിലുണ്ടായിരുന്ന കുറെ ചില്ലറ നാണയങ്ങള്‍ എന്നിവ കവര്‍ന്നു.  സ്റ്റേഷനറി കടയില്‍നിന്നു 17000 രൂപയുടെ ഫോണ്‍ റിചാര്‍ജ് കൂപ്പണുകളും കുറേ നാണയങ്ങളുമാണ് കവര്‍ന്നത്. ചായകടയുടെ പൂട്ട് കുത്തി തുറന്നു കയറിയ മോഷ്ടാവിന് കടയില്‍ ഉണ്ടായിരുന്ന ചില്ലറ നാണയങ്ങളാണ് ലഭിച്ചത്. പുറമേ സമീപവാസികളില്‍പ്പെട്ട ചിലര്‍ പാചകവാതക ഗ്യാസ് സിലിണ്ടര്‍ എടുക്കുന്നതിന് ഈ കടയില്‍ കൊണ്ടുവന്ന് സൂക്ഷിച്ചിരുന്ന അഞ്ച് ഗ്യാസ് ഏജന്‍സി ബുക്കുകളും മോഷ്ടിച്ചു. നെടുമങ്ങാട് പൊലിസില്‍ പരാതി നല്‍കി.