ന്യൂഡല്‍ഹി: സ്വാതന്ത്ര്യദിനാഘോഷത്തിന്റെ ഭാഗമായി ചെങ്കോട്ടയ്ക്കു മുന്നില്‍ ഷിപ്പിങ് കണ്ടെയ്‌നറുകള്‍ കൊണ്ട് വന്‍ മതിലുകള്‍ തീര്‍ത്ത് ഡല്‍ഹി പൊലിസ്. സുരക്ഷയുടെ ഭാഗമായാണ് നടപടിയെന്ന് ഡല്‍ഹി പൊലിസ് വിശദീകരിച്ചു.

ജനുവരി 26ന് റിപബ്ലിക്ക് ദിനത്തില്‍ നടന്ന കര്‍ഷക റാലിയെ തുടര്‍ന്നുള്ള അക്രമസംഭവങ്ങളെ തുടര്‍ന്നാണ് ഈ മുന്നൊരുക്കം. കണ്ടെയ്‌നറുകള്‍ പെയിന്റടിച്ച് അലങ്കരിക്കുമെന്ന് ഡല്‍ഹി പൊലിസ് പറഞ്ഞു.

ചെങ്കോട്ടയിലാണ് ഓരോ വര്‍ഷവും സ്വാതന്ത്ര്യദിനത്തില്‍ പതാക ഉയര്‍ത്തി പ്രധാനമന്ത്രി പ്രസംഗിക്കുന്നത്.