തിരുവനന്തപുരം: കലാനിധി കലാസാംസ്‌ക്കാരിക സംഘടനയുടെ 18-ാം വാര്‍ഷികത്തോടനുബന്ധിച്ച്   കലാനിധി ഫെസ്റ്റ് സംഘടിപ്പിക്കുന്നു.
ഇന്നു മുതല്‍ സെപ്റ്റംബര്‍ നാലുവരെ കനകക്കുന്നിലാണ് ഫെസ്റ്റ് നടക്കുന്നത്.  ഇന്ന് ദക്ഷിണാമൂര്‍ത്തി നൈറ്റ് എന്ന പേരില്‍ നടക്കുന്ന ചലച്ചിത്രഗാന മല്‍സരത്തോടെയാണ് ഫെസ്റ്റ് ആരംഭിക്കുന്നത്. സംഗീതം, നൃത്തം, കഥാപ്രസംഗംതുടങ്ങി എല്ലാ കലാപരിപാടികളിലും മല്‍സരം നടക്കും.
സെപ്റ്റംബര്‍ രണ്ടിന് കലാനിധി അവാര്‍ഡ് നൈറ്റ് നടക്കും. നാലിന് സമാപനദിവസം മല്‍സരാര്‍ഥികള്‍ക്കുള്ള പുരസ്‌ക്കാരവിതരണവും സംഘടിപ്പിച്ചിട്ടുണ്ട്. വാര്‍ത്താസമ്മേളനത്തില്‍ കലാനിധി ജനറല്‍ സെക്രട്ടറി ഗീതാ രാജേന്ദ്രന്‍, ഡോ. എ വി ആനന്ദ് രാജ്, പിഎന്‍ വിശ്വനാഥന്‍ പങ്കെടുത്തു.