മലപ്പുറം: മുസ്‌ലിം ലീഗിനെ സമൂഹമധ്യത്തില്‍ താറടിച്ചു കാണിക്കുകയാണ് ചിലരുടെ ലക്ഷ്യമെന്ന് കെ.പി.എ മജീദ് എം.എല്‍.എ.
മലപ്പുറത്ത് നടന്ന മുസ്‌ലിംലീഗ് ഉന്നതാധികാര സമിതി യോഗവുമായി ബന്ധപ്പെട്ട് ചിലര്‍ തെറ്റായ വാര്‍ത്ത പുറത്ത് വിടുന്നുണ്ട്.
പി.കെ കുഞ്ഞാലിക്കുട്ടി ഒറ്റപ്പെട്ടുവെന്നും അദ്ദേഹത്തിനെതിരെ പൊട്ടിത്തെറിച്ചു എന്ന രീതിയിലാണ് ചിലരുടെ പ്രചാരണം. ഇതില്‍ ഒരു സത്യവുമില്ല.യോഗത്തില്‍ പങ്കെടുത്ത 12 പേരും അവരുടേതായ അഭിപ്രായം പറഞ്ഞു. പടച്ചുവിടുന്ന വാര്‍ത്തകളില്‍ മാധ്യമങ്ങള്‍ അല്‍പമെങ്കിലും ഔചിത്യബോധം കാണിക്കണം. കെ.ടി ജലീലിനെതിരെ മാന നഷ്ടത്തിന് കേസു കൊടുക്കുമോ എന്ന ചോദ്യത്തിന് മാനമുള്ളവര്‍ക്കെതിരെയല്ലേ മാന നഷ്ടത്തിനു കേസു കൊടുക്കാനാവൂ എന്നായിരുന്നു മജീദിന്റെ മറുപടി.