യുഎഇയിൽ താപനില കുറയുന്നു; ഇന്ന് ഭാഗികമായി മേഘാവൃതമായ കാലാവസ്ഥ

അബുദാബി: യുഎഇ നിവാസികൾക്ക് ഞായറാഴ്ച ഭാഗികമായി മേഘാവൃതമായ കാലാവസ്ഥയാകും. നാഷണൽ സെന്റർ ഓഫ് മെറ്റീരിയോളജിയുടെ കണക്കനുസരിച്ച് രാജ്യത്ത് ഇന്ന് താപനില കുറയും. ശനിയാഴ്ച രാജ്യത്ത് രേഖപ്പെടുത്തിയ ഏറ്റവും ഉയർന്ന താപനില 43.3 ഡിഗ്രി സെൽഷ്യസ് അൽ ദൈദിൽ (ഷാർജ) 13:45 നും സ്വീഹാനിൽ (അൽ ഐൻ) യുഎഇ പ്രാദേശിക സമയം 14:30 നും ഏർപ്പെടുത്തി.

പ്രത്യേകിച്ച് കിഴക്കൻ മേഖലയിൽ ആകും ഇന്ന് മേഘാവൃതമായ കാലാവസ്ഥ അനുഭവപ്പെടുക. ഇന്ന് രാത്രിയിലും തിങ്കളാഴ്ച രാവിലെയും ചില തീരപ്രദേശങ്ങളിലും ഉൾപ്രദേശങ്ങളിലും മൂടൽമഞ്ഞ് രൂപപ്പെടാൻ സാധ്യതയുണ്ടെന്ന് കാലാവസ്ഥാ വകുപ്പ് പ്രവചിക്കുന്നു.

കാറ്റ് നേരിയതോ മിതമായതോ ആയ വേഗതയുള്ളതായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു. പകൽ സമയത്ത് ഇടയ്ക്കിടെ സജീവമാകുകയും പൊടിക്കാറ്റ് ഉണ്ടാവുകയും ചെയ്യും. അറേബ്യൻ ഗൾഫിൽ കടൽ നേരിയ തോതിൽ മിതവും ഒമാൻ കടലിൽ നേരിയ തോതിലുമായിരിക്കും.