അഹമ്മദാബാദ്: ഗുജറാത്തില്‍ കുടിലിന് മുകളില്‍ ട്രക്ക് പാഞ്ഞു കയറി രണ്ട് കുട്ടികള്‍ ഉള്‍പെടെ എട്ടു മരണം
ഗുജറാത്തിലെ അംറേലിയില്‍ ഇന്ന് പുലര്‍ച്ചെ 2.30ഓടെയാണ് ദാരുണ സംഭവമുണ്ടായത്. റോഡ് സൈഡിലെ കുടിലിലേക്ക് നിയന്ത്രണം വിട്ട ട്രക്ക് പാഞ്ഞു കയറുകയായിരുന്നു.

ഉറങ്ങിക്കിടന്നവരാണ് അപകടത്തില്‍പ്പെട്ടത്. എട്ടും പതിമൂന്നും വയസുള്ള രണ്ട് കുട്ടികളും മരിച്ചവരില്‍ ഉള്‍പ്പെടുന്നു. രണ്ട് കുട്ടികള്‍ക്ക് ഗുരുതരമായി പരുക്കേല്‍ക്കുകയും ചെയ്തു. പത്തു പേരാണ് കുടിലിനുള്ളിലുണ്ടായിരുന്നത്. മരിച്ചവരില്‍ രണ്ട് പ്രായമായവരും ഉള്ളതായും പൊലിസ് വ്യക്തമാക്കി.

ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമായതെന്ന് പൊലിസ് പറഞ്ഞു. വണ്ടി പാഞ്ഞു കയറിയ കുടിലില്‍ പത്ത് പേരാണ് ഉറങ്ങിക്കിടന്നിരുന്നത്.