ക്രിസ്റ്റ്യാനോ റൊണാള്‍ഡോയ്‌ക്കെതിരെ അച്ചടക്കനടപടി. ചെല്‍സിക്ക് എതിരായ ടീമില്‍ നിന്ന് ഒഴിവാക്കി. ടോട്ടനത്തിനെതിരായ മത്സരം പൂര്‍ത്തിയാകും മുമ്പ് സ്റ്റേഡിയം വിട്ടതിനാണ് നടപടി. ശനിയാഴ്ച നടക്കുന്ന മത്സരത്തില്‍ നിന്നാണ് റൊണാള്‍ഡോയെ ഒഴിവാക്കിയത്. പരിശീലകന്‍ എറിക് ടെന്‍ ഹാഗ് ആണ് കടുത്ത തീരുമാനം എടുത്തത്.

ടോട്ടനത്തിനെതിരെ പകരക്കാരനായി ഇറങ്ങാന്‍ റൊണാള്‍ഡോ വിസമ്മതിച്ചിരുന്നു. ഇന്ന് നടന്ന പരിശീലനത്തില്‍ റൊണാള്‍ഡോ ടീമിനൊപ്പം ചേര്‍ന്നിരുന്നില്ല. താരം ഒറ്റയ്ക്കാണ് പരിശീലനം നടത്തിയത്.