മ​സ്ക​ത്ത്: ഒ​മാ​ൻ പൈ​തൃ​ക ടൂ​റിസ മ​ന്ത്രാ​ല​യ​ത്തി​ന്റെ 2021ലെ ​തീ​രു​മാ​ന​പ്ര​കാ​രം​ സാ​ഹ​സി​ക ടൂ​റി​സം മേ​ഖ​ല​യി​ൽ പ്ര​വ​ർ​ത്തി​ക്കുന്ന ക​മ്പ​നി​ക​ൾ​ക്ക് ഇ​ൻ​ഷു​റ​ൻ​സ് പ​രി​ര​ക്ഷ നി​ർ​ബ​ന്ധ​മാ​ക്കി കാ​പി​റ്റ​ൽ മാ​ർ​ക്ക​റ്റ് അ​തോ​റി​റ്റി ഉ​ത്ത​ര​വി​റ​ക്കി. ഈ നിയമ പ്രകാരം ഒ​മാ​നി​ൽ സാ​ഹ​സി​ക ടൂ​റി​സ​ത്തി​നെ​ത്തു​ന്ന എ​ല്ലാ വി​നോ​ദ സ​ഞ്ചാ​രിക​ൾ​ക്കും സാ​ഹ​സി​ക ഇ​ൻ​ഷു​റ​ൻ​സ് പോ​ളി​സി നിർബന്ധമാക്കി. സാ​ഹ​സിക ടൂ​റി​സ​ത്തി​നി​ടെ സം​ഭ​വി​ക്കാ​നി​ട​യു​ള്ള അ​പ​ക​ട​ത്തി​ന്റെ അ​ടി​സ്ഥാനത്തിൽ അ​ധി​കൃ​ത​രി​ൽ നി​ന്നു​ണ്ടാ​യ സ​മ്മ​ർ​ദ​ത്തി​ന്റെ അ​ടി​സ്ഥാ​ന​ത്തി​ലാ​ണി​തെ​ന്ന് പൈ​തൃ​ക ടൂ​റി​സം മ​ന്ത്രി സാ​ലം അ​ൽ മ​ഹ്റൂ​ഖി പറഞ്ഞു.

സാ​ഹ​സി​ക ടൂ​റി​സ​ത്തി​ന് ഏ​റെ പേ​രു​കേ​ട്ട രാ​ജ്യ​മാ​ണ് ഒ​മാ​ൻ. ചെ​ങ്കു​ത്താ​യ മ​ല​ക​ളും മ​ല​ക​ൾ​ക്കി​ട​യി​ലെ കൊ​ക്ക​ക​ളും വാ​ദി​ക​ളു​മൊ​ക്കെ സാ​ഹ​സി​ക ടൂ​റി​സ്റ്റു​ക​ളെ ഏ​റെ ആ​ക​ർ​ഷി​ക്കു​ന്ന​താ​ണ്. സു​ൽ​ത്താ​​നേ​റ്റി​ലെ മ​ല​ക​യ​റ്റ​വും ഏ​റെ പേ​രു​കേ​ട്ട​താ​ണ്. ഇ​തി​നായി വി​ദേ​ശ​ത്തു​നി​ന്ന് ധാ​രാ​ളം പേ​ർ ഒ​മാ​നി​ൽ എ​ത്തു​ന്നു​ണ്ട്. അ​ന്താ​​രാ​ഷ്ട്ര ത​ല​ത്തി​ൽ ഏ​റെ പ്രാ​ധാ​ന്യ​മു​ള്ള​താ​ണ് സാ​ഹ​സി​ക ടൂ​റി​സം.എ​ന്നാ​ൽ, ഇ​ത്ത​രം സാ​ഹ​സി​ക പ്ര​വ​ർ​ത്ത​ന​ങ്ങ​ൾ​ക്കി​ട​യി​ൽ ധാ​രാ​ളം അ​പ​ക​ട​ങ്ങ​ളും സം​ഭ​വി​ക്കാ​റു​ണ്ട്. ഇ​ത് അ​ധി​കൃ​ത​ർ​ക്കും ടൂ​ർ സം​ഘടി​പ്പി​ക്കു​ന്ന ക​മ്പ​നി​ക​ൾ​ക്കും വ​ലി​യ ത​ല​വേ​ദ​ന സൃ​ഷ്ടി​ക്കു​ന്നുണ്ട്.അ​തി​നാ​ൽ ബ​ന്ധ​പ്പെ​ട്ട അ​ധി​കൃ​ത​ർ ഈ ​മേ​ഖ​ല​യി​ൽ ഇ​ൻ​ഷു​റ​ൻ​സ് പ​രി​ര​ക്ഷ ന​ട​പ്പാ​ക്കു​ന്ന​ത് ക​മ്പ​നി​ക​ൾ​ക്കും വ​ലി​യ അ​നു​ഗ്ര​ഹ​മായി മാറും.

ഒമാൻ റീ ഇൻഷുറൻസ് കമ്പനിയുമായി സഹകരിച്ചാണ് പുതിയ പദ്ധതി നടപ്പാക്കുന്നത്. ഇൻഷുറൻസ് പരിരക്ഷക്ക് വിധേയമാവുന്നവർക്കുള്ള നിയമസഹായം, സാഹസിക ടൂറിസത്തിനിടയിലെ അപകടങ്ങൾ മൂലമുണ്ടാവുന്ന മുറിവ് അല്ലെങ്കിൽ മറ്റെന്തിലും കാരണം മൂലമുണ്ടാവുന്ന സാമ്പത്തികമായ നഷ്ടപരിഹാരം എന്നിവ കമ്പനി നൽകും. ഈ ഇൻഷുറൻസ് പോളിസി ട്രാവൽ ടൂറിസം നടത്തിപ്പുകാരിൽനിന്ന് ലഭ്യമാവും. സാഹസിക ടൂറിസം മേഖലയിൽ പ്രവർത്തിക്കുന്ന എല്ലാ കമ്പനികളും സുരക്ഷ മാനദന്ധങ്ങൾ പൂർണമായി പാലിച്ചിരിക്കണമെന്ന് അധികൃതർ ഊന്നിപ്പറഞ്ഞു. ട്രാവൽ ടൂറിസം കമ്പനികൾ സാഹസിക ടൂറിസ ത്തിന് അപേക്ഷ നൽകുമ്പോൾ പാലിക്കേണ്ട സുരക്ഷ നടപടികളും മറ്റും ബന്ധപ്പെട്ടവർ നൽകുമെന്നും അധികൃതർ വ്യക്തമാക്കി.

Content Highlights: oman tourism insurance policy mandatory for adventure tourism