മെയ്‌തെയ് വിദ്യാര്‍ഥികളുടെ കൊലപാതകം; ആറുപേര്‍ അറസ്റ്റില്‍

ഇംഫാല്‍: മണിപ്പൂരില്‍ വിദ്യാര്‍ഥികളെ തട്ടിക്കൊണ്ടുപോയി കൊലപ്പെടുത്തിയ സംഭവത്തില്‍ 6 പേര്‍ അറസ്റ്റില്‍. ഇവരില്‍ 2 പേര്‍ പ്രായപൂര്‍ത്തിയാകാത്തവരാണ്. ഇംഫാലിലെ ചുരാചന്ദ്പൂരില്‍ നിന്നാണ് ഇവരെ സിബിഐ അറസ്റ്റ് ചെയ്യ്തത്. കഴിഞ്ഞ ജൂലൈയിലാണ് മെയ്‌തെയ് വിഭാഗക്കാരായ രണ്ട് വിദ്യാര്‍ഥികളെ കാണാതായത്. മണിപ്പൂരില്‍ ഇന്റ്റര്‍നെറ്റ് പുനസ്ഥാപിച്ചതോടെയാണ് ഇവരെ കൊലപെടുത്തിയെന്ന് വ്യക്തമാക്കുന്ന ചിത്രങ്ങള്‍ പുറത്തുവന്നത്.

ഇതിനിടെ ഇന്നലെ അറസ്റ്റിലായ മണിപ്പൂര്‍ കലാപത്തിലെ പ്രതി സെയ് മനുല്‍ ഗാംഗ്‌ടേയെ രണ്ട് ദിവസത്തെ എന്‍ഐഎ കസ്റ്റഡിയില്‍ വിട്ടു. ദില്ലി പട്യാല ഹൌസ് കോടതിയാണ് പ്രതിയെ കസ്റ്റഡിയില്‍ വിട്ടത്. മ്യാന്‍മറിലും ബംഗ്ലാദേശിലും പ്രവര്‍ത്തിക്കുന്ന തീവ്രവാദ സംഘടനകളുടെ ഭാഗമാണ് ഇയാളെന്നാണ് എന്‍ഐഎ കണ്ടെത്തല്‍. കഴിഞ്ഞയാഴ്ച ഇന്റര്‍നെറ്റ് സേവനങ്ങള്‍ പുനസ്ഥാപിച്ചതോടെയാണ് മാസങ്ങള്‍ക്ക് മുന്‍പ് വിദ്യാര്‍ത്ഥികള്‍ കൊല്ലപ്പെട്ട വിവരം പുറത്തുവന്നത്. ഇതിന് പിന്നാലെ ശക്തമായ പ്രതിഷേധം സംസ്ഥാനത്ത് തുടരുകയായിരുന്നു.