കാഞ്ഞങ്ങാട്: രാജ്‌മോഹന്‍ ഉണ്ണിത്താന്‍ എം.പിയെ ട്രെയിനില്‍ വച്ച് അസഭ്യം പറയുകയും ഭീഷണിപ്പെടുത്തുകയും ചെയ്ത സംഭവത്തില്‍ പ്രവാസി കോണ്‍ഗ്രസ് കാസര്‍കോട് ജില്ലാ പ്രസിഡന്റ് പത്മരാജന്‍ ഐങ്ങോത്തിനെ കാസര്‍കോട് റെയില്‍വേ എസ്.ഐ ടി.എന്‍ മോഹനന്‍ അറസ്റ്റുചെയ്തു.

കാഞ്ഞങ്ങാട് നിന്ന് പാര്‍ലമെന്റ് സമ്മേളനത്തില്‍ പങ്കെടുക്കാനായി കോഴിക്കോട് വഴി പോകുമ്പോള്‍ മംഗളൂരു- തിരുവനന്തപുരം മാവേലി എക്‌സ്പ്രസില്‍ വച്ച് പത്മരാജനും മറ്റൊരു കോണ്‍ഗ്രസ് നേതാവും അസഭ്യവര്‍ഷം നടത്തിയെന്നും ഇവര്‍ മദ്യലഹരിയിലായിരുന്നുവെന്നും എം.പി റെയില്‍വേ പൊലിസിനു പരാതി നല്‍കിയിരുന്നു.

സംഭവത്തില്‍ പത്മരാജന്‍ ഐങ്ങോത്തിനെയും അനില്‍ വാഴുന്നോറടിയെയും സസ്‌പെന്‍ഡ് ചെയ്തതായി കെ.പി.സി.സി പ്രസിഡന്റ് കെ. സുധാകരന്‍ എം.പി അറിയിച്ചു.