എരമല്ലൂര്‍: ഒരു കോടി രൂപ വിപണി മൂല്യം കണക്കാക്കുന്ന ഒരു കിലോ ഹാഷിഷ് ഓയിലുമായി മൂന്നു യുവാക്കള്‍ പൊലിസ് പിടിയിലായി. ഇടുക്കി സ്വദേശികളായ റോബിന്‍ (40), പ്രിന്‍സ് (42), കോതമംഗലം സ്വദേശി അനീഷ് (30) എന്നിവരെയാണു കുത്തിയതോട് എസ്.ഐ എ.ആര്‍ അഭിലാഷ്, അരൂര്‍ എസ്.ഐ കെ.ജി പ്രതാപ് ചന്ദ്രന്‍ എന്നിവരുടെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്. ഇടുക്കിയില്‍ നിന്നാണ് ഇവര്‍ ഹാഷിഷ് ഓയില്‍ കൊണ്ടുവന്നത്.
ഇവരുള്‍പ്പെട്ട സംഘത്തില്‍ കൂടുതല്‍ പേരുള്ളതായും ഇവര്‍ക്കായി തിരച്ചില്‍ ഊര്‍ജ്ജിതമാക്കിയതായും പൊലിസ് പറഞ്ഞു. ആഴ്ചകള്‍ക്കു മുന്‍പു കഞ്ചാവുമായി യുവാക്കള്‍ പിടിയിലായിരുന്നു. തുടര്‍ന്നുള്ള അന്വേഷണത്തിലാണ് ഇവര്‍ കുടുങ്ങിയത്. അറസ്റ്റ് സംബന്ധിച്ച കൂടുതല്‍ വിവരങ്ങള്‍ ഇന്ന വെളിപ്പെടുത്തുമെന്ന് കുത്തിയതോട് എസ്.ഐ പറഞ്ഞു.